'
२ भदौ, लेस केयेस । गएको शनिबार हाइटीमा गएको ७.२ म्याग्निच्युडको भूकम्पमा परी मृत्यु हुनेको संख्या एक हजार ९४१ पुगेको क्यारेबियन राष्ट्रको नागरिक सुरक्षा निकायले मंगलबार जानकारी दिएको छ ।
यस भूकम्पमा परी नौ हजार ९०० भन्दा बढी व्यक्ति घाइते भएका जनाइएको छ ।
यसैबीच, भूकम्प गएको तीन दिनपछि हाइटीमा अवस्थित शान्ति भवनबाट १६ जनालाई जीवित उद्धार गरिएको छ । यस भूकम्पको केन्द्रविन्दु दक्षिणी सहर लेस केयेसबाट उत्तर–पश्चिम ४१ किलोमिटर टाढा रहेको स्थानमा ३० किलोमिटर गहिराइमा रहेको बताइएको छ ।
भूकम्पका कारण ६० हजारभन्दा बढी घर भत्किएका छन् भने ७६ हजार क्षतिग्रस्त भएका छन् । कमजोर संरचना भएका केही जेल तथा थुप्रै सामुदायिक विद्यालयलगायत भवन भत्किएका छन् । यस प्रकोपको कारण पाँच लाखभन्दा बढी बालबालिका प्रभावित भएका संयुक्त राष्ट्रसंघको बालबालिका एजेन्सी युनिसेफले जनाएको छ ।
हाइटीको सरकारले भूकम्पपछिको अवस्थालाई व्यवस्थित गर्न एक महिना लामो राष्ट्रिय संकटकाल घोषणा गरेको छ ।
सन् २०१० को जनवरीमा हाइटीमा गएको ७.० म्याग्निच्युडको भूकम्पले पोर्ट–औँ–प्रिन्स र नजिकैका अधिकांश सहरमा ठूलो क्षति भएको थियो । उक्त भूकम्पमा परी दुई लाखभन्दा बढी मानिसको मृत्यु भएको थियो । तीन लाखभन्दा बढी घाइते भएका एक लाख ५० हजारभन्दा बढी हाइटीवासी घरबारविहीन भएका थिए ।
एनएमबि न्यूज युटयुबमा पनि उपलब्ध छ । तपाई यहाँ क्लिक गरेर सब्सक्राइब गर्न सक्नुहुनेछ । साथै फेसबुक र ट्वीटरमार्फतपनि हामीसँग जोडिन सक्नुहुनेछ ।
आज गाईजात्रा पर्व मनाइँदै
२०८० भाद्र १४ गते बिहिवार
सडकमाथिबाट आएको चट्टान ट्याङ्करमा लाग्दा भीषण आगलागी, कैयौँ व्यक्तिको मृत्यु भएको आशङ्का
२०७७ चैत्र १५ गते आइतवार
स्रोत नखुलेको ३२ लाख रकमसहित एक व्यक्ति पक्राउ
२०७७ पुष २६ गते आइतवार
सेयर बजारमा ५९ अंकको गिरावट, ५ अर्ब ११ करोड ९६ लाखको कारोबार
२०७८ कार्तिक २५ गते बिहिवार