'
३ भदौ, अफगानिस्तान । अफगानिस्तानको असादावादमा तालिबानले गोली चलाउँदा कम्तीमा दुईजनाको मृत्यु भएको प्रत्यक्षदर्शीलाई उद्धृत गर्दै अन्तर्राष्ट्रिय सञ्चारमाध्यम अल जजिराले जनाएको छ । स्वतन्त्रता दिवस मनाउन भेला भएको भीडमाथि तालिबानी लडाकुहरुले गोली चलाएका हुन् ।
त्यसैगरी जलालावादमा स्वतन्त्रता दिवसका अवसरमा अफगानी झण्डा फहराइरहेका व्यक्तिमाथि लडाकुहरुले गोली चलाएका छन् । यसक्रममा एक पूरुष र एक किशोर घाइते भएका छन् । अल जजिराका अनुसार झण्डाको विषयलाई लिएर काबुलमा तालिबानी लडाकु र सर्वसाधारणबीच विवाद निम्तिएको थियो । सडकमा हिँडिरहेका सर्वसाधारणले अफगानिस्तानको पुरानो झण्डा बोकेका थिए, तालिबानले यसमा आपत्ति जनाएपछि उनीहरुले यही झण्डा नै आफ्नो पहिचान रहेको बताएका थिए ।
अहिले काबुल विमानस्थलबाट मानिसहरुले अफगानिस्तान छाड्ने क्रम पनि चलिरहेको छ । अमेरिकी राष्ट्रपति जो बाइडेनले सबै अमेरिकी नागरिकले अफगानिस्तान नछाडेसम्म विमानस्थलमा आफ्ना सैनिक कायमै रहने बताएका छन् । यसअघि अमेरिकाले ३१ अगस्टमा अफगानिस्तान छाड्ने समयसीमा तोकिएको थियो ।
एनएमबि न्यूज युटयुबमा पनि उपलब्ध छ । तपाई यहाँ क्लिक गरेर सब्सक्राइब गर्न सक्नुहुनेछ । साथै फेसबुक र ट्वीटरमार्फतपनि हामीसँग जोडिन सक्नुहुनेछ ।
सैनामैनामा राष्ट्रियस्तरको ब्याडमिन्टन शनिबारदेखि
२०७७ मङ्सिर २६ गते शुक्रवार
आईएमई जनरल इन्स्योरेन्सको सचिबमा उमा जोशी नियुक्त
२०७७ मङ्सिर २२ गते सोमवार
जगदम्बा मोटर्सद्वारा एनटर्कियन राइडको आयोजना
२०७८ असोज १४ गते बिहिवार
घुससहित नेपाल प्रहरीका सई र सशस्त्र प्रहरीका जवान पक्राउ
२०७७ कार्तिक १६ गते आइतवार