'
५ भदौ, काठमाडौं । प्रधानमन्त्री शेरबहादुर देउवा प्रधानमन्त्री भएयताको पाँच सातामा ४८ लाखभन्दा बढिले कोरोनाविरुद्धको खोप लगाएका छन् । कांग्रेस सभापति देउवा प्रधानमन्त्री भएलगत्तै आफ्नो पहिलो प्राथमिकता नै नागरिकलाई नि:शुल्क खोप दिलाउनु रहेको घोषणा गरेका थिए । उनी प्रधानमन्त्री भएयता बिहीबारसम्ममा ४८ लाख ११ हजार ७ सय ३३ जनाले कोरोनाविरुद्धको खोप लगाएका छन् ।
त्यसअघि झण्डै ३६ लाखले मात्रै खोप पाएका थिए भने अहिले खोप लगाउने संख्या ८५ लाख २० हजार ४ सय २१ पुगेको छ । त्यसमध्ये ४९ लाख ७ हजार ५ सय २३ जनाले कोरोनाको दुवै डोज खोप लगाएका छन् ।
त्यस्तै ३७ लाख ८ हजार ६ सय ८८ जनाले पहिलो डोज लगाएका छन् । अहिले कोरोनाको दुवै डोज खोप लगाउने जनसंख्या १३ प्रतिशत पुगेको पुगेको छ भने पहिलो डोज लगाउने १६ दशमलव ८ प्रतिशत छन् । देउवा प्रधानमन्त्री हुनुभन्दा अघि दुवै डोज खोप लगाउनेको संख्या ३ दशमल ९ प्रतिशत मात्रै थियो भने पहिलो डोज खोप लगाउनेको संख्या ९ दशमलव १ प्रतिशत मात्रै थिए । पछिल्लो पाँच हप्तामा कोरोनाको खोप लगाउनेको संख्या झण्डै दोब्बर पुगेको मन्त्रालयको भनाइ छ ।
सरकारले असोज मसान्तसम्ममा ३३ प्रतिशत जनतालाई कोरोना विरुद्धको खोप निःशुल्क लगाउने घोषणा गरेको छ । चैत मसान्तसम्म खोप लगाउने सबै जनतालाई निःशुल्क खोप दिलाउने प्रधानमन्त्री देउवाको तयारी रहेको मन्त्रालयको भनाइ छ ।
एनएमबि न्यूज युटयुबमा पनि उपलब्ध छ । तपाई यहाँ क्लिक गरेर सब्सक्राइब गर्न सक्नुहुनेछ । साथै फेसबुक र ट्वीटरमार्फतपनि हामीसँग जोडिन सक्नुहुनेछ ।
एनआईसी एशिया बैंकको विस्तारित काउण्टर सूर्यविनायकमा
२०७७ पुष १९ गते आइतवार
ओरालो लाग्यो सुनको मूल्य
२०७७ फाल्गुन २१ गते शुक्रवार
काठमाडौं महानगरपालिकाद्वारा पुनः एन्टिजेन परीक्षण शुरु
२०७८ जेष्ठ २० गते बिहिवार
कस्तो रहला आजको मौसम ?
२०७७ माघ ४ गते आइतवार