'
८ भदौ, काठमाडौं । आईसीसी विश्वकप लिग–२ मा ओमान र अमेरिकाविरुद्ध हुने त्रिदेशीय शृङ्खला खेल्नका लागि नेपाली क्रिकेट टोली आज ओमान गएको छ ।
ओमानमा नेपालले आईसीसी विश्वकप लिग–२ अन्तर्गत त्रिदेशीय शृङ्खला खेल्नुअघि पपुवा न्युगिनीसँग दुई एकदिवसीय अन्तर्राष्ट्रिय क्रिकेट खेल्नेछ । त्यसका लागि १७ खेलाडीसहित २२ सदस्यीय नेपाली टिम सलाम एयरमार्फत ओमान जान लागेका हुन् ।
नेपाली टोलीलाई राष्ट्रिय खेलकुद परिषद् (राखेप)का सदस्यसचिव रमेश सिलवाल, नेपाल क्रिकेट संघका अध्यक्ष चतुरबहादुर चन्द, सचिव अशोकनाथ प्याकुरेल, कोषध्यक्ष रोशनकुमार सिंहलगायतले भर्चुअलमा शुभकामनासहित बिदाई गरेका थिए ।
नेपालले भदौ २८ देखी असोज ४ गतेसम्म आईसीसी विश्व क्रिकेट लिग–२ अन्र्तगत ओमान र अमेरिकासँग एकदिवसीय अन्तर्राष्ट्रिय शृंखला खेल्नेछ । त्यसअघि नेपालले भदौ २० र २३ गते पपुवा न्युगिनीविरुद्ध दुई एकदिवसीय अन्तर्राष्ट्रिय क्रिकेट खेल्नेछ । पीएनजीसँग नेपालले दोस्रो खेल दिवारात्री खेल्नेछ ।
आइसीसी विश्व क्रिकेट लिग–२ मा नेपालले घरेलु मैदानमा ओमान र अमेरिकाविरुद्ध चार खेल खेलिसकेको छ । जसमा नेपालले अमेरिकालाई दुई खेलमा हराएको थियो भने ओमानसँग दुबै खेल हारेको थियो । चार खेलबाट चार अंक जोडेको नेपाल अंक तालिकाको छैटौं स्थानमा छ ।
१० खेलबाट १६ अंक जोडेको ओमान शीर्ष स्थानमा छ । १२ खेलबाट १२ अंक जोडेको अमेरिका दोस्रो स्थानमा छ । स्कटल्यान्ड तेस्रो, नामिविया चौथो र युनाइटेड अरब इमिरेट्स पाँचौं स्थानमा छ। आठ खेलमा अंकविहीन पीएनजी सातौं स्थानमा छ ।
एनएमबि न्यूज युटयुबमा पनि उपलब्ध छ । तपाई यहाँ क्लिक गरेर सब्सक्राइब गर्न सक्नुहुनेछ । साथै फेसबुक र ट्वीटरमार्फतपनि हामीसँग जोडिन सक्नुहुनेछ ।
रुकुम पश्चिममा भदौ १५ देखि विद्यालय खुल्ने
२०७८ भाद्र १० गते बिहिवार
टोकियो ओलम्पिक सम्पन्न, ३३औँ ग्रीष्मकालीन ओलम्पिक पेरिसमा हुने
२०७८ साउन २५ गते सोमवार
बाढीपहिरोमा परी तीनजनाको मृत्यु, ११ बेपत्ता
२०७८ असार २ गते बुधवार
अफगानिस्तानमा भएको गोली हानाहानमा जर्मन र अमेरिकी सेना पनि संलग्न
२०७८ भाद्र ७ गते सोमवार