'
१२ भदौ, बैतडी । चार दिनसम्म मनाइने सुदूरपश्चिमेलीको मुख्य पर्व गौरा शुक्रबारदेखि सुरु भएकोे छ । दोस्रो दिन आज ‘नानी गौरा’ मा ब्रतालु महिलाले हिजो भिजाएका बिरुडा (पाँच प्रकारका अन्न)लाई नजिकका धारा, तलाउमा लगेर धुने गर्छन् ।
सवाँ, अपामार्गलगायत वनस्पति प्रयोग गरेर नुहाउनाका साथै गौराको प्रतिमूर्ति बनाई नजिकका पानीका मुहान, धारा तथा तलाउमा पूजाआजा गर्ने गरिएको दोगडाकेदार गाउँपालिका–३, श्रीकोटका गोल्मा भाटले बताए । बिरुडा पञ्चमीका दिन भिजाइएका बिरुडाले गौराको पूजा गरिनाका साथै बारीमा फलेका विभिन्न फलफूल पनि गौरादेवीमा चढाउने प्रचलन रही आएको छ ।
आज दिउँसो गौरादेवीको पूजा गरेपछि ब्रतालु महिलाले साँझपख मिठोमसिनो खाएर बिरुडा र फलफूलसहितको सगुन फाग गाउँछन् । पौराणिककालमा गौरा देवी अर्थात् पार्वतीले निराहार नित्य आराधना गरी शिवलाई स्वामी बनाउन सफल भएकीले त्यसै बेलादेखि गौरा र महेश्वरको विवाहको सम्झनास्वरूप यो पर्व मनाउने परम्परा चल्दै आएको स्थानीय संस्कृतिका जानकार जयानन्द भट्टले बताए ।
दुर्वाष्टमी अर्थात् अठ्यावाली यो पर्वको मुख्य दिन हो । भोलि सप्तमीका दिनमा गौरालाई भित्र्याइनाका साथै महिलाले धारणा गर्ने विशेष प्रकारको धागो समर्पण गर्ने र अठ्यावालीका दिन धारण गर्ने चलन रहिआएको छ । तागाधारी पुरुषले जनै धारण गरेजस्तै महिलाले गौराको समयमा दुबधागो धारणा गर्ने गर्छन् । गौराका समयमा सामूहिक रूपमा देउडा, ठाडो खेल, ढुस्को, धमारीलगायत सांस्कृतिक खेल खेलिने गरिएकामा कोरोनाभाइरसका कारण सामूहिक रूपमा जमघट नहुँदा गौराको रौनक नै नभएको स्थानीयले बताएका छन् ।
एनएमबि न्यूज युटयुबमा पनि उपलब्ध छ । तपाई यहाँ क्लिक गरेर सब्सक्राइब गर्न सक्नुहुनेछ । साथै फेसबुक र ट्वीटरमार्फतपनि हामीसँग जोडिन सक्नुहुनेछ ।
एकै दिन ११ सय रुपैयाँले घट्यो सुनको मूल्य, कतिमा हुँदैछ कारोबार ?
२०७८ असार ३ गते बिहिवार
आज पहिलो दिन देशभर ९ हजार ८४ जनाले लगाए कोरोनाविरुद्धको खोप
२०७७ माघ १४ गते बुधवार
आजदेखि मेलम्चीको पानी पुनर्वितरण, प्रधानमन्त्रीले सिंहदरबारबाट शुभारम्भ गर्ने
२०८० माघ १ गते सोमवार
आफ्नी १३ वर्षीय छोरीलाई पटक–पटक बलात्कार गर्ने बाबु पक्राउ
२०७७ पुष ३ गते शुक्रवार