'
१२ भदौ, काठमाडौं । नेपाली कांग्रेसका सहमहामन्त्री डा. प्रकाशशरण महतले क्रियाशील सदस्यतासम्बन्धी विवाद अन्त्य भएसँगै पार्टीको १४औँ महाधिवेशन निर्धारित मितिमै हुने अब निश्चित भएको बताएका छन् ।
सक्रिय सदस्यतासम्बन्धी विवादका कारण कांग्रेसको महाधिवेशन हुनेमा आशंका गरिएको भए पनि अब त्यो आशंकाको अन्त्य भइसकेको उनको भनाइ थियो । कांग्रेसका आमन्त्रित केन्द्रीय सदस्य कृष्णकिशोर घिमिरेकी आमा यवादेवी शर्मा घिमिरेको स्मृतिमा आज आयोजित श्रद्धाञ्जलीसभामा डा. महतले पार्टीको महाधिवेशनको तयारीमा लाग्न पार्टीका नेता तथा कार्यकर्तालाई आग्रह गरे ।
उनले शुक्रबार शीर्ष नेताबीच भएको छलफलले कांग्रेसको महाधिवेशन निर्धारित मितिमै हुने सुनिश्चित गरिसकेको जानकारी दिए । डा. महतले अघिल्लो ओली सरकारले निर्वाचनका बेलामा नेपाली जनतासँग गरेका प्रतिबद्धता पूरा गर्न नसकेका कारण नेपाली जनताको इच्छाबमोजिम नै यो सरकार आएको स्पष्ट गरे । उनले भने, “नेपाली जनताले पाँच वर्षका लागि निर्वाचित गरेर पठाएको कम्युनिस्ट सरकार आफैँ सत्ताको तानातानमा लागेको र जनअपेक्षाअनुसार काम गर्न नसकेपछि नेपाली नागरिकको चाहनाबमोजिम नै यो सरकार आएको हो ।”
मुलुक निकै कठिन परिस्थितिमा रहेका बेला वर्तमान सरकार निर्माण भएकाले यो सरकारप्रतिका जनताका अपेक्षा धेरै रहेको भन्दै ती अपेक्षालाई सम्बोधन गर्ने गरी सरकारले संयमित भएर काम गर्ने उनले बताए ।
एनएमबि न्यूज युटयुबमा पनि उपलब्ध छ । तपाई यहाँ क्लिक गरेर सब्सक्राइब गर्न सक्नुहुनेछ । साथै फेसबुक र ट्वीटरमार्फतपनि हामीसँग जोडिन सक्नुहुनेछ ।
मुग्लिन-नौबिसे सडकखण्ड खोल्न अझै दुई दिन लाग्ने
२०७७ साउन ६ गते मङ्गलवार
शेयर बजारमा सामान्य करेक्सन, काराबोर रकम ११ अर्बभन्दा बढी
२०७८ जेष्ठ ११ गते मङ्गलवार
एनएमबि बैंकद्वारा ११ जनालाई बीमा दावी भुक्तानी
२०७८ बैशाख २३ गते बिहिवार
नक्कली नोट छाप्ने मेसिनसहित ३ जना पक्राउ
२०७७ कार्तिक २८ गते शुक्रवार