विश्व/प्रवास

काबुल विमानस्थलमा रकेट प्रहार

kabul attack

१४ भदौ, काठमाडौं । अमेरिका आफ्नो सबैभन्दा लामो युद्ध समाप्त गर्न आफगानिस्तानबाट फर्किन हतार गरिरहेको बेला काबुल विमानस्थलमा रकेट प्रहार भएको छ । अमेरिकी क्षेप्यास्त्र प्रतिरोधी एन्टी–मिसाइल डिफेनसेसले पाँच ओटा रकेटलाई रोकेको अमेरिकी अधिकारीले बताएका छन् ।

रकेट आक्रमणबाट अहिलेसम्म कुनै अमेरिकीको हताहती भएको जानकारी नआएको तर यो सूचना परिवर्तन हुनसक्ने अमेरिकी अधिकारीलाई उद्धृत गर्दै रोयटर्सले जनाएको छ । तालिबान र वासिङ्टन मंगलबारसम्म अमेरिकी फौज फिर्ता गर्न सहमत भएका थिए । अमेरिका र उसका गठबन्धन फौज अफगानिस्तानमा बाँकी रहेका आफ्ना नागरिक र जोखिममा रहेका अफगान नागरिकलाई समयसीमा सकिनुअघि नै उद्धार गर्न हतार गरिरहेका छन् ।

गएको बिहीबार आईएस–के ले १३ अमेरिकी सैनिकसहित १७० जनाको ज्यान जानेगरी गरको आत्मघाती बम विस्फोटपछि उद्धार कार्य झनै जरुरी र जोखिमपूर्ण बनेको थियो । आत्मघाती आक्रमणको बदलामा अमेरिकाले पनि आईएसमाथि ड्रोन हमला गरेको थियो । ड्रोन हमला गरी आत्मघाती आक्रमणका योजनाकार मारिदिएको र संभावित आक्रमण रोकेको अमेरिकाले दाबी गरेको थियो ।

एनएमबि न्यूज युटयुबमा पनि उपलब्ध छ । तपाई यहाँ क्लिक गरेर सब्सक्राइब गर्न सक्नुहुनेछ । साथै फेसबुकट्वीटरमार्फतपनि हामीसँग जोडिन सक्नुहुनेछ ।

प्रतिक्रिया दिनुहोस

Leave a Reply

Your email address will not be published. Required fields are marked *

प्रतिक्रिया दिनुहोस

Leave a Reply

Your email address will not be published. Required fields are marked *