'
१५ भदौ, काठमाडौं । मंगलबार सेयर बजारमा ६९ अंकको पहिरो गएको छ । सो अंकको गिरावटसँगै परिसूचक ३ हजारमुनि झरेको छ । परिसूचक नेप्से २९७५ अंकमा कायम भएको छ । राष्ट्र बैंकले एक व्यक्ति वा परिवारले सेयर धितो राखेर सेयरमै लगानी गर्नका लागि बैंक तथा वित्तीय संस्थाबाट १२ करोडभन्दा बढी ऋण लिन नपाइने व्यवस्था गरेपछि ठूला लगानीकर्ता बाहिरिँदै गएका छन् ।
ऋणको सीमा घटाउनुपर्ने बाध्यता भएकाले उनीहरुले सेयर बिक्री बढाउँदा बजार ओर्लिँदै गएको हो । यस दिन कुल १३ अर्ब २५ करोड रुपैयाँको सेयर किनबेच भएको छ । कारोबार रकम अघिल्लो दिनको तुलनामा घटेको छ । यस दिन सबै समूहहरु झरेका छन् । बैंकिङ २३, ब्यापार १०६, होटल तथा पर्यटन ४६, विकास बैंक २०५, जलविद्युत १२४, फाइनान्स १०१, निर्जीवन बीमा ३७२, उत्पादन १९८, अन्य ६२, माइक्रोफाइनान्स १६४ र जीवन बीमा ४४७ अंकले घटेका छन् ।
यस दिन कर्णाली विकास बैंकको मूल्य सबैभन्दा धेरै साढे ७ प्रतिशतले बढेको छ । ४० रुपैयाँ प्रतिकित्ता मूल्य बढेसँगै ५६८ रुपैयाँ पुगेको छ। मनकामना स्मार्ट लघुवित्तको मूल्य ६ प्रतिशतले बढेको छ। सपोर्ट माइक्रोफाइनान्सको करिब ६ प्रतिशतले मूल्य घटेको छ ।
रुरु जलविद्युत परियोजनाको मूल्य १० प्रतिशतले घटेको छ । सो मूल्य गिरावटपछि कम्पनीको मूल्य प्रतिकित्ता १३४६ रुपैयाँमा कायम भएको छ। माउन्टेन हाइड्रो नेपालको मूल्य ७.७ प्रतिशतले घटेको छ । हिमालय उर्जा विकासको मूल्य करिब ७ प्रतिशतले घटेको छ ।
एनएमबि न्यूज युटयुबमा पनि उपलब्ध छ । तपाई यहाँ क्लिक गरेर सब्सक्राइब गर्न सक्नुहुनेछ । साथै फेसबुक र ट्वीटरमार्फतपनि हामीसँग जोडिन सक्नुहुनेछ ।
नेपालमा पहिलो पटक कोरोना संक्रमणबाट पत्रकारको मृत्यु
२०७७ भाद्र २२ गते सोमवार
तालिबानले फायरिङ गर्दा कम्तीमा २ जनाको मृत्यु, दुई घाइते
२०७८ भाद्र ३ गते बिहिवार
सर्वोच्च अदालतले एक पक्षलाई सहयोग गर्यो : प्रधानमन्त्री
२०७८ असार २९ गते मङ्गलवार
कर्णालीमा महामारीको जोखिम र कठ्याङ्ग्रिने जाडोमा सकसपूर्ण पढाइ
२०७७ मङ्सिर २८ गते आइतवार