समाचार

काठमाडौं उपत्यकाको फोहोर आजबाट उठाइने

fohor

१६ भदौ, काठमाडौं । काठमाडौं उपत्यकाको फोहोर आजबाट उठाइने भएको छ । नुवाकोट सिसडोल बन्चरे क्षेत्रका स्थानीय फोहोरको अवरोध हटाउन सहमत भएपछि आजबाट काठमाडौं उपत्यकाको फोहोर उठाइने भएको हो । काठमाडौंमा लामो समयदेखि फोहोर उठ्न सकेको छैन । मंगलबार काठमाडौं महानगरको वातावरण तथा कृषि विभागका प्रमुख हरिकुमार श्रेष्ठ र ककनी गाउँपालिका वडा १ का अध्यक्ष चन्द्रबहादुर श्रेष्ठ बलामीसहित सिसडोल बन्चरे क्षेत्रका स्थानीयबीच भएको वार्ताबाट १४ बुँदे सहमति अब निर्बाध फोहोर ढुवानी हुने भएको छ ।

सम्झौतामा तीनपिप्ले–सिसडोल सडक १५ दिनभित्र ग्राभेल र त्यसपछि पिच गर्ने, यस सडक खण्डमा र महालक्ष्मी मन्दिर परिसरमा वृक्षारोपण गर्ने, फोहोर ढुवानी गर्ने गाडीहरूले लिचेड बक्सको व्यवस्था गर्नुपर्ने, तीनपिप्ले–सिसडोल सडकखण्डमा पार्किङ गर्न नपाइने, यस क्षेत्रको सडकलाई कित्ताकाट गरी मुआब्जा प्राप्त गर्ने विषयमा काठमाडौं हानगरका प्रमुखसँग छलफल गर्ने, ओभर लोड गर्न नपाइने, फोहोर बोकेका गाडी सफा गरेर मात्र पार्किङ गर्न पाइने, फोहोर ढुवानी सवारीका लागि बिहान ४ बजेदेखि अपरान्ह ४ बजेसम्मका लागि टाइम कार्ड लागु गर्नेलगायत विषय छन् ।

बाटोमा खसेको बलामी गाउँ क्षेत्रको फोहोर व्यवस्थापन गर्न गाडीको व्यवस्था गर्ने, स्थानीय संघ संस्थाहरूसँगको सहकार्य र समन्वयमा प्रभावित क्षेत्रका विद्यालयहरूमा सचेतनामुलक कार्यक्रम सञ्चालन गर्ने, यी विद्यालयहरूमा खेलकुदका सामग्रीहरू सहयोग गर्ने, महालक्ष्मी मन्दिर परिसरमा सार्वजनिक शौचालय निर्माण गर्ने विषय पनि सम्झौतामा उल्लेख गरिएको छ ।

फोहोर ढुवानी गर्ने सवारी चालकहरूको स्वास्थ्य परीक्षण र सचेतनामुलक अन्तरक्रिया कार्यक्रम सञ्चालन गर्ने, यसअघि महानगर र स्थानीयबीच भएको १७ बुँदे सहमति कार्यान्वयन गर्दै जाने र फोहोर ढुवानीमा गरिएको अवरोध आजैदेखि हटाउने सहमति भएको छ ।

एनएमबि न्यूज युटयुबमा पनि उपलब्ध छ । तपाई यहाँ क्लिक गरेर सब्सक्राइब गर्न सक्नुहुनेछ । साथै फेसबुकट्वीटरमार्फतपनि हामीसँग जोडिन सक्नुहुनेछ ।

प्रतिक्रिया दिनुहोस

Leave a Reply

Your email address will not be published. Required fields are marked *

प्रतिक्रिया दिनुहोस

Leave a Reply

Your email address will not be published. Required fields are marked *