'
१६ भदौ, काठमाडौं । मुलुकबाट राजतन्त्र अन्त्य भएको १३ वर्ष भयो । तर, गोरखा र धादिङका हजारौं रोपनी जग्गा जमिनको धनी ‘श्री ५ को वायुगुठी’ छ । पुस्तौंदेखि किसानले कमाई आएको जग्गाजमिन तथा घरघडेरीको लालपुर्जामा जग्गाधनी ‘श्री ५ को वायुगुठी’ अंकित छ । पुस्तौंदेखि किसानले खेती गर्छन्, कर तिर्छन् । तर, स्वामित्व भने अझै पाएका छैनन् ।
गोरखाको आरुघाट गाउँपालिका–३ र ४ (पुरानो थुमी गाविस) र धादिङको नेत्रावती गाउँपालिका र नीलकण्ठ नगरपालिकाका कटुञ्जे र ज्यामरुङका जग्गाजमिनको स्वामित्व ‘श्री ५ को वायुगुठी’ मा रहेको स्थानीयवासी बताउँछन् ।
राजसंस्था र श्री ५ नै अस्तित्वमा नरहेको अवस्थामा दूरदराजका किसानलाई ‘श्री ५ को अल्झो’ मा राख्नु न्यायपूर्ण नहुने अगुवा किसानहरूको भनाइ छ । गोरखाको पुरानो थुमी गाविसका ७ सय ४९ जना किसानले आवादी गरेका खेतबारी र घरघडेरी श्री ५ को वायुगुठीको नाममा छ । ७३ जना किसानको मात्र आफ्नो नाममा लालपुर्जा रहेको मालपोत कार्यालयको तथ्यांकमा उल्लेख छ ।
आर्खेत बजार र ढुंगेफाँटका दुई बस्ती अझै पनि ज्यामरुङ दरबारका राजा लीलाविक्रम शाहको नाममा छ। यो समाचारअन्नपूर्ण पोस्टमा छ ।
एनएमबि न्यूज युटयुबमा पनि उपलब्ध छ । तपाई यहाँ क्लिक गरेर सब्सक्राइब गर्न सक्नुहुनेछ । साथै फेसबुक र ट्वीटरमार्फतपनि हामीसँग जोडिन सक्नुहुनेछ ।
भक्तपुरमा मोटरसाइकल दुर्घटना हुँदा एकजनाको मृत्यु, एक गम्भीर घाइते
२०७८ असोज १९ गते मङ्गलवार
कोरोनाविरुद्धको खोप अभियान निरन्तर सञ्चालन हुन्छ : स्वास्थ्य राज्यमन्त्री श्रेष्ठ
२०७८ असोज ४ गते सोमवार
‘प्रहरीसँग एकदिन विद्यार्थी’
२०७७ पुष २९ गते बुधवार
अब निर्माण क्षेत्र र उद्योग पनि खुला गरिने
२०७८ असार ४ गते शुक्रवार