'
१६ भदौ, काठमाडौं । बुधबार सेयर बजार जम्मा १ अंकले बढेको छ । १.१४ अंकले बढेर परिसूचक नेप्से २९७६ अंकमा कायम भएको छ ।
परिसूचक जम्मा १ अंकले बढे पनि धेरैजसो कम्पनीको मूल्य घटेको छ । यस दिन जम्मा ६८ कम्पनीको मूल्य बढ्यो भने १०५ कम्पनीको मूल्य घटेको छ । त्यस्तै ११ कम्पनीको मूल्य स्थिर रहेको छ । त्यस्तै कारोबार रकम पनि घटेको छ । हिजो १३ अर्ब २५ करोड रुपैयाँको सेयर किनबेच भएकोमा आज जम्मा ९ अर्ब ३५ करोडमा खुम्चिएको छ ।
बैंकिङ ७, होटल तथा पर्यटन १३० र जीवन बीमा समूह ७४ अंकले बढेको छ । अरु सबै समूह घटेका छन् । ब्यापार ७, विकास बैंक ४०, जलविद्युत १९, फाइनान्स ८७, निर्जीवन बीमा ६३, उत्पादन २, अन्य १ र माइक्रोफाइनानस समूह ५ अंकले घटेको छ ।
रुरु जलविद्युत कम्पनीको मूल्य सबैभन्दा धेरै ७.५ प्रतिशतले बढेको छ । ओरियन्टल होटल, हिमालय उर्जा विकास र युनाइटेड मोदी हाइड्रोपावरको ६ प्रतिशतले मूल्य बढेको छ । सोल्टी होटलको मूल्य ५.७ प्रतिशतले बढेको छ ।
सनराइज फस्ट म्युचुअल फण्डको मूल्य सबैभन्दा धेरै १० प्रतिशतले घटेको छ । लाभांश घोषणापछि मूल्य समायोजन भएपछि पनि कम्पनीको मूल्य प्रतिइकाई १ रुपैयाँ ३१ पैसाले घटेर ११ रुपैयाँ ८२ पैसामा झरेको छ ।
त्यस्तै खानीखोला हाइड्रोको मूल्य ७.७ प्रतिशतले घटेको छ भने गुहेश्वरी मर्चेन्टको ६ प्रतिशतले मूल्य घटेको छ ।
एनएमबि न्यूज युटयुबमा पनि उपलब्ध छ । तपाई यहाँ क्लिक गरेर सब्सक्राइब गर्न सक्नुहुनेछ । साथै फेसबुक र ट्वीटरमार्फतपनि हामीसँग जोडिन सक्नुहुनेछ ।
नेप्सेमा गिरावटः ६ अर्बको कारोवार
२०७७ मङ्सिर ३० गते मङ्गलवार
शनिबार थप ३७८ जनामा कोरोनाको संक्रमण पुष्टि
२०७७ साउन २४ गते शनिवार
जनकपुरमा बोराभित्र भेटियो पुरुषको शव
२०७८ बैशाख २१ गते मङ्गलवार
अमेरिकाले विश्व स्वास्थ्य संगठनलाई २० करोड सहयोग गर्ने
२०७७ फाल्गुन ६ गते बिहिवार