'
१७ भदौ, डोटी । बोगटान फुड्सिल गाउँपालिका–२ मा रहेको केदारअखडा माध्यमिक विद्यालयमा तोडफोड गरिएको छ ।
नचिनेका मान्छेको समूहले रातिको समयमा विद्यालय तोडफोड गरेको प्रधानाध्यापक गुमानसिंह बोहराले जानकारी दिए । उनका अनुसार कार्यालयकक्षको ताला फोडेर विद्यालयमा तोडफोड गर्नाका साथै कोठाभित्र रहेका दराजका विभिन्न कागजात पनि च्यातिएको छ ।
“विद्यालयका धेरै कागजात च्यातेको भन्ने खबर पाएको छु,” प्रधानाध्यापक बोहराले भने, “म श्रीमतीको उपचारका लागि कैलालीमा छु, विद्यालय तोडफोड गरेको र के कति क्षति गरेको छ, अब विद्यालय गएपछि मात्रै थाहा हुनेछ ।”
स्थानीयवासीका अनुसार विद्यालयमा कुन समूह तथा किन तोडफोड गरिएको हो भन्ने पत्ता लाग्न सकेको छैन । इलाका प्रहरी कार्यालय चमराचौताराले विद्यालयमा तोडफोड भएको र घटनाका विषयमा विस्तृत अनुसन्धानसहित खोजीकार्य भइरहेको जनाएको छ ।
एनएमबि न्यूज युटयुबमा पनि उपलब्ध छ । तपाई यहाँ क्लिक गरेर सब्सक्राइब गर्न सक्नुहुनेछ । साथै फेसबुक र ट्वीटरमार्फतपनि हामीसँग जोडिन सक्नुहुनेछ ।
भारतमा ४४ दिनपछि सवैभन्दा थोरै सङ्क्रमित फेला
२०७८ जेष्ठ १५ गते शनिवार
सुनको मुल्य बढ्यो, तोलामा कति
२०७७ कार्तिक ६ गते बिहिवार
नेकपा सचिवालय बैठक आज बस्दै
२०७७ असोज १७ गते शनिवार
काठमाडौं र ललितपुरमा आजदेखि फाइजर खोप दिइँदै
२०७८ मङ्सिर ५ गते आइतवार