'
२७ भदौ, काठमाडौं । २० वर्षे अफगान युद्ध अन्त्य गरी फर्कने बेला अमेरिकाले काबुलमा गरेको अन्तिम ड्रोन आक्रमणको घटनामाथि अमेरिकी सञ्चारमाध्यमले प्रश्न उठाएका छन् ।
द न्युयोर्क टाइम्स र वासिङ्टन पोस्टले आफूसँग भएको प्रमाणानुसार ड्रोन आक्रमणमा इस्लामिक स्टेटको एक कार्यकर्ता मारिएको खबर गलत भएको दाबी गरेका छन् । उनीहरूले सो आक्रमणमा एक सहायताकर्मी मारिएको जनाएका छन् । जबकि, सो आक्रमणमा एक आईएस कार्यकर्ता मारिएको अमेरिकी अधिकारीले बताएका थिए ।
अमेरिकी ड्रोन आक्रमणको लक्षित कारमा विस्फोटक पदार्थहरू थिए भन्ने अमेरिकी सेनाको रिपोर्टलाई आफ्ना प्रमाणहरूले कमजोर पार्ने ती सञ्चारमाध्यमले जनाएका छन् । पेन्टागनले अझै पनि सो हमलाले एउटा ‘आसन्न खतरा’बाट जोगाएकोमा विश्वस्त रहेको जनाएको छ ।
गुप्तचर एजेन्सीको सूचनाको आधारमा गएको अगस्ट २९ मा अमेरिकाले आईएसलाई लक्षित गरी ड्रोन आक्रमण गरेको जनाएको थियो । सो आक्रमणमा ६ बालबालिकासहित १० जनाको मृत्यु भएको थियो । त्यसको तीन दिनअघि आईएस–केले काबुल विमानस्थलबाहिर गरेको आत्मघाती आक्रमणमा १३ अमेरिकी सैनिकसहित १०० भन्दा बढी सर्वसाधारणको ज्यान गएको थियो ।
न्युयोर्क टाइम्स र वासिङ्टन पोस्टले भिडियो र फोटोग्राफिक प्रमाणहरू विश्लेषण, विज्ञहरू र प्रत्यक्षदर्शीसँग कुराकानी गरी प्राप्त प्रमाणका आधारमा सो गाडीमा विस्फोटक पदार्थहरू नभएको निष्कर्ष निकालेका छन् । मिडिया रिपोर्टहरूबारे प्रतिक्रिया दिँदै पेन्टागनले ‘आक्रमणको आकलन’ गरिरहेको जनाएको छ । बीबीसी
एनएमबि न्यूज युटयुबमा पनि उपलब्ध छ । तपाई यहाँ क्लिक गरेर सब्सक्राइब गर्न सक्नुहुनेछ । साथै फेसबुक र ट्वीटरमार्फतपनि हामीसँग जोडिन सक्नुहुनेछ ।
लोकतन्त्रमा चुनावबाट भाग्न मिल्दैन : नेता महतो
२०७७ माघ ९ गते शुक्रवार
गेमिङ्ग र फोटोग्राफीको अनुभव प्रदान गर्ने नयाँ इन्फिनिक्स नोट ८ आइ सार्वजनिक
२०७७ माघ १५ गते बिहिवार
अख्तियारद्वारा लेखा अधिकृत र नायब सुब्बाविरुद्ध मुद्दा दायर
२०७७ मङ्सिर २९ गते सोमवार
कोरोना बढेपछि भारतबाट फर्किंदै नेपाली
२०७७ चैत्र ७ गते शनिवार