समाचार

‘स्यानिटरी प्याड निःशुल्क गर सरकार’ भन्दै प्रदर्शन

mahila protest

९ असोज, काठमाडौं । महिलाले महिनावारीमा प्रयोग गर्ने स्यानिटरी प्याडमा मूल्य अभिवृद्धि कर (भ्याट) लगाइएको भन्दै शनिबार पनि काठमाडौंमा विरोध गरिएको छ ।

‘स्यानिटरी प्याड निःशुल्क गर सरकार’ भन्दै आम युवा अभियानको अगुवाइमा प्रदर्शन गरिएको हो । निःशुल्क रूपमा वितरण गर्नुपर्ने वस्तुमा कर लगाइएको प्रदर्शनमा सहभागीको भनाइ थियो । त्यसक्रममा उनीहरुले निःशुल्क रूपमा स्यानिटरी प्याड वितरणसमेत गरेका थिए ।

यता, सरकारले भने स्यानिटरी प्याडमा कर बढाएको भ्रमपूर्ण हल्ला भएको जनाइसकेको छ । वर्तमान सरकारले स्यानिटरी प्याडको आयातमा भन्सार महसुल बढाएको भनी सामाजिक सञ्जाल र कतिपय सञ्चारमाध्यममार्फत फैलाइएको हल्लाप्रति ध्यानाकर्षण भएको भन्दै अर्थ मन्त्रालयले आ.व. २०६९/७० अघिदेखि लाग्दै आएको भन्सार महसुल नबढाइएको जनाएको छ ।

एनएमबि न्यूज युटयुबमा पनि उपलब्ध छ । तपाई यहाँ क्लिक गरेर सब्सक्राइब गर्न सक्नुहुनेछ । साथै फेसबुकट्वीटरमार्फतपनि हामीसँग जोडिन सक्नुहुनेछ ।

प्रतिक्रिया दिनुहोस

Leave a Reply

Your email address will not be published. Required fields are marked *

प्रतिक्रिया दिनुहोस

Leave a Reply

Your email address will not be published. Required fields are marked *