'
१५ असोज, जनकपुरधाम । पर्सामा स्राेत नखुलेको साढे १५ लाख रकमसहित तीन जना पक्राउ परेका छन् । शुक्रबार पर्सा प्रहरीले वीरगञ्ज महानगरपालिका-२५ सिर्सियाबाट तीन जनालाई स्राेत नखुलेको रकमसहित पक्राउ गरेको हो । उनीहरूमध्ये दुई जना भारतीय नागरिक हुन् ।
भारतको पूर्वी चम्पारण थाना कंगेली १ बसतपुरका २५ वर्षीय विक्रम पटेल, मोतिहारी थाना पलनवा भेलाहीका २९ वर्षीय मुकेश पटेल र पर्साको धोविनी गाउँपालिका ३ हरिहरपुरका २३ वर्षीय बलिराम पटेललाई प्रहरीले पक्राउ गरेको हो ।
प्रहरीले विशेष सूचनाको अधारमा सिर्सिया छोटी भन्सार हुँदै भारतबाट आउँदै गर्दा पक्राउ गरेको बताइएको छ । तीनवटा मोटरसाइकलमा सवार उनीहरूले हेल्मेटभित्र लुकाइछिपाई ल्याएको स्राेत नखुलेको सो रकम बरामद भएको हो । मोटरसाइकलसहित नियन्त्रणमा लिई उनीहरूमाथि बैंक तथा वित्तीय संस्था सम्बन्धी कसुरमा अनुसन्धान अगाडि बढाइएको छ ।
एनएमबि न्यूज युटयुबमा पनि उपलब्ध छ । तपाई यहाँ क्लिक गरेर सब्सक्राइब गर्न सक्नुहुनेछ । साथै फेसबुक र ट्वीटरमार्फतपनि हामीसँग जोडिन सक्नुहुनेछ ।
मुक्तिनाथ विकास बैंकद्धारा शुद्ध पिउने पानी ट्याङकी हस्तान्तरण
२०७७ असोज १९ गते सोमवार
डब्ल्यूएचओले दियो फाइजर भ्याक्सिनलाई अनुमति
२०७७ पुष १७ गते शुक्रवार
अमेरिकामा बाढी, तीन नेपालीको मृत्यु
२०७८ भाद्र १८ गते शुक्रवार
काठमाडौं उपत्यकामा थपिए ६८९ कोभिड संक्रमित
२०७८ भाद्र ८ गते मङ्गलवार