'
१७ असोज, काठमाडौं । तौल घटाउनु नभएर नियमित एक्सरसाइज गर्नुले हामीलाई स्वस्थ र लामो जीवन दिलाउन सक्ने नयाँ रिसर्चले देखाएको छ । एरिजोना स्टेट युनिभर्सिटी अफ फिनिक्सका ग्लेन गेसेयेरको नेतृत्व गरिएको यस रिसर्चमा फिटनेस, तौल, मुटुको स्वास्थ्य र लामो आयु बीचको सम्बन्धबारे लामो विश्लेषण गरिएको थियो ।
यसैको नतिजामा व्यक्तिको तौल बढी भएपनि या मोटोपना नै भएपनि डायटिङ अथवा तौल घटाउनुको तुलनामा नियमित एक्सरसाइज गरिरहनुले विशेषगरी मुटुको रोग र अकालमै मृत्युबाट जोगाउने पत्ता लागेको हो । डायटिङ लगायत तौल घटाउने अरु उपायको तुलनामा एक्सरसाइज धेरै लाभदायक भएको यसले स्प्ष्ट पारेको छ । त्यसैले तौल नघटेपनि नियमित एक्सरसाइज गर्न जरुरी रहेको बताइएको छ ।
गेसेयेरले शारीरिक क्रियाकलापले व्यक्तिको शरीरमा केकसरी असर पार्दछ भन्नेबारे दशकौँ अध्ययन गरेका छन् र उनका अनुसार फिटनेसमा सुधार ल्याउनु या तौल गुमाउनुको तुलनामा एक्सरसाइजले शरीरमा पार्ने प्रभाव अधिक सकारात्मक हुन्छ ।
एक्सरसाइजले अन्ततः व्यक्तिलाई फिट राख्न र तौल घटाउन पनि मद्दत गर्ने हुँदा तौल कम गर्न चाहनेहरुले खाना नियन्त्रित गर्ने या डायटिङ जस्ता उपायको सट्टा एक्सरसाइज गर्दा नै स्वास्थ्यका लागि उपयुक्त हुन्छ ।
रिसर्चका अनुसार एक्सरसाइज गर्दा व्यक्तिको तौल नघटेपनि यसले अकाल मृत्युको जोखिमलाई ३० प्रतिशतले कम गराउन सक्छ ।
एनएमबि न्यूज युटयुबमा पनि उपलब्ध छ । तपाई यहाँ क्लिक गरेर सब्सक्राइब गर्न सक्नुहुनेछ । साथै फेसबुक र ट्वीटरमार्फतपनि हामीसँग जोडिन सक्नुहुनेछ ।
शिवम् सिमेन्टद्वारा गण्डकी प्रदेशका ५ सय बढी निर्माणकर्मीहरुको जोखिम बीमा
२०७८ मङ्सिर १६ गते बिहिवार
नेपाली मास्टर बेकर सन्जिव गिरीले जिते डेनमार्कमा एक लाख क्रोनर
२०७७ मङ्सिर १३ गते शनिवार
तल्लो साञ्जेन जलविद्युत् आयोजनाको संरचना निर्माण पूरा
२०७८ कार्तिक १ गते सोमवार
सशस्त्रको अस्पतालमा ‘सडक मानव’ लाई निःशुल्क उपचार हुने
२०७७ माघ १० गते शनिवार