'
१७ असोज, काठमाडौं । एनसेलले ज्येष्ठ नागरिकका लागि बन्डल अफरहरूसहितको आकर्षक निःशुल्क सिम योजना ल्याएको छ ।
अन्तर्राष्ट्रिय ज्येष्ठ नागरिक दिवस २०२१ को अवसर पारेर ल्याइएको यो योजनाअन्तर्गत ६० वर्षभन्दा माथिका ज्येष्ठ नागरिकले एनसेलको सिमकार्ड निःशुल्क लिन सक्छन् । साथै, ५० रूपैयाँ वा सोभन्दा बढीको हरेक रिचार्जमा ६ महिनासम्म बोनसका रूपमा पाइने सेवा–सुविधाहरूको फाइदा लिन सक्ने एनसेलले जनाएको छ ।
यो योजनाअन्तर्गत पहिलो ५० रुपैयाँ वा सोभन्दा बढीको रिचार्जमा ज्येष्ठ नागरिकले १०० एमबी डेटा र १०० वटा अन नेट एसएमएस बोनस पाउँछन् । त्यस्तै, पहिलो रिचार्जपछि त्यस सिमबाट ज्येष्ठ नागरिकले ६ महिनासम्म विषेश छुटसहितको शुल्कमा भ्वाइस, डेटा र भारत कल सेवा लिन सक्छन् । ग्राहकले विशेष छुटअन्तर्गत एक रुपैयाँ प्रतिमिनेटमा भ्वाइस सेवा, एक रुपैयाँप्रति एमबीमा डेटा सेवा र १.९९ रुपैयाँ प्रतिमिनेटमा भारतमा कल गर्न सक्छन् ।
यसका साथै यसै योजनाअन्तर्गत रिचार्जमा पनि बोनसको सुविधा रहेको छ । ५० देखि ९९ रुपैयाँ सम्म रिचार्ज गर्ने ग्राहकले सात दिनको समयसीमा रहेको २०० एमबी डेटा बोनसस्वरूप प्राप्त गर्छन् । त्यस्तै, १०० देखि १९९ रुपैयाँसम्म रिचार्ज गर्ने ग्राहकले बोनसबापत ५०० एमबी डेटा पाउँछन् । २०० वा सोभन्दा बढी रिचार्ज गर्ने ग्राहकले एक जीबी डेटा बोनसस्वरूप प्राप्त गर्नेछन् । बोनसमा पाइने यी डेटाहरू सात दिनको लागि मान्य रहन्छ ।
ज्येष्ठ नागरिकले आफ्नो नजिकैको एनसेल सेन्टरमा पासपोर्ट साइजको फोटो र नागरिकता लिएर गई सजिलै यो सिमकार्ड लिई सेवा–सुविधाको लाभ लिन सक्छन् । यो योजना यही असोज २२ गतेसम्म सञ्चालनमा रहने एनसेलले जनाएको छ ।
एनएमबि न्यूज युटयुबमा पनि उपलब्ध छ । तपाई यहाँ क्लिक गरेर सब्सक्राइब गर्न सक्नुहुनेछ । साथै फेसबुक र ट्वीटरमार्फतपनि हामीसँग जोडिन सक्नुहुनेछ ।
बार्सिलोनामाथि पीएसजीको शानदार जित
२०७७ फाल्गुन ५ गते बुधवार
महाशिवरात्रिमा बिहानैदेखि पशुपतिमा लाखौँ भक्तजन, मूल मन्दिर प्रवेश गर्न मास्क अनिवार्य
२०७७ फाल्गुन २७ गते बिहिवार
५७ वर्षपछि लिभरपुलको पोस्टमा एस्टन भिल्लाको ७ गोल
२०७७ असोज १९ गते सोमवार
प्रधानमन्त्री निवास बालुवाटारमा धर्ना बस्न खोज्ने बालिका खड्का पक्राउ
२०७७ पुष २२ गते बुधवार