'
१९ असोज, काठमाडौं । एक लाख ६० हजार रुपैयाँ लिएर आफ्नै श्रीमती बेचबिखन गरेको आरोपमा श्रीमान् पक्राउ परेका छन् । प्रहरीका अनुसार ३४ वर्षीय चन्द्रबहादुर तामाङ (नाम परिवर्तन)ले २६ वर्षीया श्रीमतीलाई सो रकम लिएर बेचेका हुन् । उनीहरूका पाँच सन्तान छन् ।
मानव बेचबिखन अनुसन्धान ब्युरोका अनुसार ०७१ सालमा एक लाख ६० हजार रुपैयाँ लिई श्रीमान्ले श्रीमतीलाई एकजनाको जिम्मा लगाएका थिए । सोही क्रममा पासाङ तामाङले काम लगाइदिन्छु भनी बालाजुको होटेलमा लगी एक महिलाको जिम्मा लगाएको खुलेको छ ।
ब्युरोका अनुसार ती महिलाले घरायसी काममा मासिक १० हजार दिन्छु भन्दै आफ्नो कोठामा लगेर तीन दिनसम्म राखी भिनाजु भनिएका व्यक्तिलाई बोलाई जिम्मा लगाएर पठाएको अनुसन्धानबाट खुलेको छ । उनै भिनाजुले सुनौली नाका हुँदै रेलमार्गबाट भारतको नयाँ दिल्लीस्थित म्हेन्डो तामाङको घरमा पुर्याएको र म्हेन्डो तामाङले तीन दिनसम्म आफ्नो घरमा राखी एकजना मान्छेको जिम्मा लगाएर आग्रामा रहेको वेश्यालयमा पुर्याई आठ महिनासम्म वेश्यावृत्तिमा लगाएको पाइएको छ ।
नेपाली राजदूतावास र शक्ति समूहको सहयोगमा ०७८ जेठ ३१ गते उनको उद्धार गरिएको थियो । फरार प्रतिवादीमध्ये श्रीमान्सँगै नुवाकोटको साबिक घ्याङफेदी गाविस वडा नम्बर–५ का पासाङ तामाङलाई समेत ब्युरोले पक्राउ गरेको जनाइएको छ ।
एनएमबि न्यूज युटयुबमा पनि उपलब्ध छ । तपाई यहाँ क्लिक गरेर सब्सक्राइब गर्न सक्नुहुनेछ । साथै फेसबुक र ट्वीटरमार्फतपनि हामीसँग जोडिन सक्नुहुनेछ ।
सन् २०२१ मा बलियो बन्दै महामारीले थलिएको विश्व अर्थतन्त्र
२०७७ माघ १४ गते बुधवार
नबिल बैंक र उपाय सर्भिसेस बीच लघु, साना र मझौला उद्यमहरूलाई सहयोग गर्ने सम्झौता
२०७७ माघ २३ गते शुक्रवार
श्रीमतीको हत्यापछि ‘हराइन्’ भन्दै प्रहरीमा निवेदन दिने ब्यक्ति पक्राउ
२०८० कार्तिक २० गते सोमवार
स्वास्थ्य उपचारपछि झलनाथ खनाल स्वदेश फिर्ता
२०७८ भाद्र १४ गते सोमवार