'
२० असोज, काठमाडौं । महानगरीय ट्राफिक प्रहरी महाशाखाले नम्बरप्लेट नराखी चलाएका २१९ वटा मोटरसाइकल नियन्त्रणमा लिएको छ । नम्बरप्लेट नलेखिएका १६५ र अस्पष्ट, खुइलिएका नम्बरप्लेट भएका ५४ मोटरसाइकल नियन्त्रणमा लिएको हो ।
ट्राफिक प्रहरीले ढाँचा अनुसार नम्बरप्लेट नलेखिएका, स्पष्ट नभएका, खुइलिएका, अनटेस्ट वा अस्थायी नम्बरप्लेट भएका, नम्बरप्लेटको टप बंग्याइएका वा नम्बरप्लेट ढाकिएका मोटरसाइकलहरूविरुद्ध विशेष चेकजाँच अभियान सञ्चालन गरेको महाशाखाका प्रमुख प्रहरी वरिष्ठ उपरीक्षक जनक भट्टराईले जानकारी दिए ।
‘‘नयाँ अनटेस्ट र स्पष्ट नदेखिने नम्बरप्लेट नलेखिका मोटरसाइकलहरूले दुर्घटना गर्दा गाडी नम्बर टिप्न, प्रहरीलाई खबर गर्न समस्या हुने गरेको छ । त्यस्ता मोटरसाइकल फरार हुँदा पक्राउ गर्न र कारबाहीको दायरामा ल्याउनसमेत समस्या हुने गरेको छ,” उनले भने, ‘‘कतिपय त्यस्ता मोटरसाइकलहरू तीव्र गति र लापरबाहीका साथ चलाउने, ट्राफिक नियम उल्लंघन गर्दै हिँड्ने गरेको पाइन्छ । हराउँदा समेत फेला पार्न सकस हुने गरेको छ ।” तोकिएको ढाँचाबमोजिम नम्बरप्लेट नराख्ने मोटरसाइकललाई ट्राफिक प्रहरीले ५०० देखि १५ सय रूपैयाँसम्म जरिवाना गर्ने व्यवस्था रहेको महाशाखाले जनाएको छ ।
एनएमबि न्यूज युटयुबमा पनि उपलब्ध छ । तपाई यहाँ क्लिक गरेर सब्सक्राइब गर्न सक्नुहुनेछ । साथै फेसबुक र ट्वीटरमार्फतपनि हामीसँग जोडिन सक्नुहुनेछ ।
बालिकामाथि बलात्कारपछि हत्या गर्नेलाई कडा कारवाही गर्न १३ विद्यार्थी संगठनको माग
२०७७ असोज १० गते शनिवार
शिवम् सिमेन्टद्वारा गण्डकी प्रदेशका ५ सय बढी निर्माणकर्मीहरुको जोखिम बीमा
२०७८ मङ्सिर १६ गते बिहिवार
नहरमा बालुवा थुप्रिँदा विद्युत् सेवा अवरुद्ध, डोल्पा सदरमुकाम अन्धकार
२०७८ असार १ गते मङ्गलवार
सिद्धार्थ बैंकको रिभर्स फयाक्टरिङ्ग सुविधा
२०७७ पुष १६ गते बिहिवार