'
२१ असोज, इनरुवा । सुनसरीको इटहरी उपमहानगरपालिका–१६, लायन्स क्लब चोकमा सवारी दुर्घटनामा परेर गए राति दुईजनाको मृत्यु भएको छ । मृत्यु हुनेमा इनरुवा–२ का २५ वर्षीय सुशान्त भट्टराई र संखुवासभाको चिचिला गाउँपालिका–२ का २० वर्षीय विभीषण विक रहेको प्रहरी नायब उपरीक्षक नरेन्द्रकुमार कार्कीले जानकारी दिए ।
पूर्व–पश्चिम राजमार्गअन्तर्गत पूर्वबाट पश्चिमतर्फ जाँदै गरेको को२०प ६७४७ नम्बरको स्कुटरलाई विपरीत दिशाबाट आउँदै गरेको ना६ख ५६८१ नम्बरको ट्रकले ठक्कर दिँदा दुवैजना गम्भीर घाइते भएका थिए । घाइते दुवैजनालाई उपचारका लागि कोसी अस्पताल विराटनगर लैजाने क्रममा बाटोमै मृत्यु भएको प्रहरीले जनाएको छ ।
शव परीक्षणका लागि कोसी अस्पताल विराटनगरमा राखिएको छ । ट्रक र चालक मकवानपुरको हेटौँडा उपमहानगरपालिका–९ का ३१ वर्षीय अर्जुन गिरी प्रहरीको नियन्त्रणमा रहेको प्रहरी नायब उपरीक्षक कार्कीले जानकारी दिए ।
एनएमबि न्यूज युटयुबमा पनि उपलब्ध छ । तपाई यहाँ क्लिक गरेर सब्सक्राइब गर्न सक्नुहुनेछ । साथै फेसबुक र ट्वीटरमार्फतपनि हामीसँग जोडिन सक्नुहुनेछ ।
पर्यटन मन्त्रीद्वारा नेपाल–प्रज्ञा पतिष्ठानको निरीक्षण
२०७७ पुष २० गते सोमवार
वरिष्ठ अर्थविद डा. गोविन्दबहादुर थापाको कोरोना संक्रमणका कारण निधन
२०७८ जेष्ठ १८ गते मङ्गलवार
प्रधानमन्त्री शेरबहादुर देउवाले पाए विश्वासको मत
२०७८ साउन ३ गते आइतवार
दुई महिनाभित्र पाँच सय कामदार इजरायल पठाइने
२०७७ माघ ८ गते बिहिवार