'
२४ असोज, काठमाडौं । जोखिम मोलेर अमेरिका जान खोजेका नेपालीसहित एक सय बढी आप्रवासीको ग्वाटेमालामा कन्टेनरबाट उद्धार गरिएको छ । सडक छेउमा एउटा कन्टेनरमा अलपत्र छाडिएका १२६ आप्रवासीलाई ग्वाटेमाला प्रहरीले उद्धार गरेको हो । तीमध्ये १०० भन्दा बढी राजनीतिक संकटमा फसेका हाइटीका नागरिक रहेका समाचारमा जनाइएको छ ।
समाचारअनुसार नेपाल र घानाका नागरिक पनि रहेका बीबीसीले जनाएको छ । कन्टेनरभित्र चिच्याएको स्थानीयहरूले सुनेपछि बिहानको समयमा उनीहरूको उद्धार गरिएको बताइएको छ । मेक्सिको हुँदै अमेरिका पुर्याउनका लागि रकम असुलेका मानव तस्करहरूले उनीहरूलाई छोडेको हुन सक्ने सरकारी अधिकारीहरूको विश्वास छ ।
ग्वाटेमालाका आप्रवासन सम्बन्धी निकायकी प्रवक्ताले ती आप्रवासीहरू होन्डुरस पुगेको र त्यहाँबाट असुरक्षित रूपमा उत्तर हुँदै अमेरिकातर्फ अघि बढेको बताएकी छन् । उनीहरूलाई होन्डुरसको सीमामा पुर्याएर त्यहाँका निकायहरूलाई जिम्मा लगाइने जनाइएको छ । मेक्सिकाका सरकारी निकायहरूले ६५२ जना आप्रवासीहरूलाई नियन्त्रणमा लिएको भोलिपल्ट यो घटना भएको हो । बीबीसी
एनएमबि न्यूज युटयुबमा पनि उपलब्ध छ । तपाई यहाँ क्लिक गरेर सब्सक्राइब गर्न सक्नुहुनेछ । साथै फेसबुक र ट्वीटरमार्फतपनि हामीसँग जोडिन सक्नुहुनेछ ।
दाङबाट एक किलो अवैध सुनसहित तीनजना पक्राउ
२०७७ असोज २२ गते बिहिवार
अन्तर्राष्ट्रिय क्रिकेट रङ्गशाला निर्माण गर्न ललितपुर महानगरको २० लाख सहयोग
२०७७ फाल्गुन ७ गते शुक्रवार
राज्यका साझा सम्पत्ति तीनै तहका सरकारले सदुपयोग गर्नुपर्छः मुख्यमन्त्री पौडेल
२०७७ मङ्सिर १० गते बुधवार
चितवनका चार नगरपालिकामा आज रातिबाट एक साता निषेधाज्ञा
२०७७ साउन ३२ गते आइतवार