'
१० कात्तिक, काठमाडौं । सुडानका प्रधानमन्त्री अब्दल्ला हम्डोक रिहा भएका छन् । उनलाई मङ्गलबार अबेर रिहा गरिएको उनको कार्यालयले जानकारी दिएको छ । अन्तर्राष्ट्रिय रूपमा भएको कडा दबावपछि उनलाई सैन्य कूबाट हटाइएको छ । यद्यपि सेनाले हम्डोकलाई ‘निकट निगरानीमा’ राखिएको बताइएको छ । अन्य मन्त्रीहरू र नागरिक नेताहरू गिरफ्तारमा नै रहेका उनको कार्यालयले जनाएको छ ।
सैन्य कूपछि अमेरिका र ईयूले सुडानलाई दिइरहेको सहायता निलम्बन गर्ने चेतावनी दिएको थियो । यस्तै संयुक्त राष्ट्रका महासचिव एन्टोनियो गुटेर्रेसले सुरक्षा परिषद्को आपतकालीन बैठक सुरु हुनुभन्दा अगाडि नै हम्डोकलाई ‘तुरुन्त रिहा गर्न’ माग गरेका थिए ।
लामो समयदेखि निरंकुश शासक ओमार अल–बशिरको सन् २०१९ अप्रिल मा विशाल सडक विरोधका क्रममा सेनाले अपदस्थ गरेपछि सेना र नागरिकहरू बीचको नाजुक शक्ति बाँडफाँड व्यवस्थाको परिणामस्वरूप ‘कू’ भएको बताइन्छ । गत सोमबार सुडानको सेनाले प्रधानमन्त्री अब्दल्ला हम्डकसहित दर्जनौ नेताहरूलाई गरिफ्तार गरेको थियो ।
प्रधानमन्त्री हम्डकलाई अपदस्थ नै गरेर सेनाले सत्ता नियन्त्रणमा लिएको थियो । सत्ताविद्रोह गरेको सेनाले प्रधानमन्त्रीलाई पदत्याग गर्न भनेपनि उनले अस्वीकार गरेपछि सेनाले प्रधानमन्त्री हम्डकलाई नियन्त्रणमा लिएको थियो । रासस/एएफपी
एनएमबि न्यूज युटयुबमा पनि उपलब्ध छ । तपाई यहाँ क्लिक गरेर सब्सक्राइब गर्न सक्नुहुनेछ । साथै फेसबुक र ट्वीटरमार्फतपनि हामीसँग जोडिन सक्नुहुनेछ ।
बालुवाटारमा मन्त्रिपरिषद् बैठक सुरु
२०७७ भाद्र १४ गते आइतवार
मंगलबार सुनचाँदीको मूल्य घट्यो
२०७८ मङ्सिर १४ गते मङ्गलवार
पैदलयात्रीलाई ठक्कर दिएर मोटरसाइकल पल्टिँदा दुईजनाको मृत्यु, एक घाइते
२०७८ कार्तिक २५ गते बिहिवार
आजदेखि उपत्यकामा ९५० शय्याको एकीकृत क्वारेन्टाइन सञ्चालन हुँदै
२०७७ भाद्र ८ गते सोमवार