'
१४ कात्तिक, काठमाडौं । यही कात्तिक महिनाको आजसम्म विपद्का घटनाबाट १२१ जनाको मृत्यु भएको गृह मन्त्रालयले जनाएको छ । मन्त्रालयको राष्ट्रिय आपत्कालीन कार्य सञ्चालन केन्द्रले दिएको जानकारीअनुसार बाढी–पहिरोमा परेर अहिलेसम्म २८ जना बेपत्ता भएका छन् । कुल ४४ घाइते रहेका र १७९ घरमा क्षति पुगेको केन्द्रले जनाएको छ ।
गएको असोज ३१ देखि कात्तिक ३ गतेसम्म परेको अविरल वर्षाका कारण यसरी मानवीय क्षति पुगेको हो । मनसुन बाहिरिएको एक हप्तापछि दुई प्रणाली विकास भई नेपालमा भारी वर्षा भएको थियो । वर्षाका कारण नेपालको पूर्व र पश्चिम क्षेत्र नराम्ररी प्रभावित भएको थियो । ठूला–ठूला पहिरोले मानवीय क्षति बढी गराएको हो ।
प्राप्त विवरणअनुसार सबैभन्दा बढी कात्तिक ३ गते ६३ जनाको मृत्यु र १९ जना बेपत्ता भएका थिए । कात्तिक ४ गते २९ जनाको मृत्यु भएको थियो भने कात्तिक ५ गते १३ जनाको मृत्यु भएको गृह मन्त्रालयले जनाएको छ । हराइरहेका खोजी जारी रहेको र राहत तथा अस्थायी आश्रयस्थलको व्यवस्थापन जारी रहेको मन्त्रालयले जनाएको छ ।
एनएमबि न्यूज युटयुबमा पनि उपलब्ध छ । तपाई यहाँ क्लिक गरेर सब्सक्राइब गर्न सक्नुहुनेछ । साथै फेसबुक र ट्वीटरमार्फतपनि हामीसँग जोडिन सक्नुहुनेछ ।
जबरजस्ती करणी गरेको अभियोगमा नुवाकोटबाट एक जना पक्राउ
२०७८ असार ४ गते शुक्रवार
संसद विघटन मुद्दा फास्ट ट्र्याकमा सुनुवाइ गर्न टाइम कार्ड
२०७८ जेष्ठ २७ गते बिहिवार
प्रधानमन्त्रीको विरोधमा धनगढीमा टायर बालेर प्रदर्शन
२०७७ पुष २४ गते शुक्रवार
भरतपुर अस्पतालमा ठगिन्छन् बीमाका बिरामी
२०७८ भाद्र १३ गते आइतवार