'
२७ कात्तिक, काठमाडौं । फिलिपिन्समा राष्ट्रपतिकी छोरीले उपराष्ट्रपति पदका लागि प्रतिस्पर्धा गर्ने भएकी छन् । बहिर्गमनको चरणमा रहेका फिलिपिन्सका राष्ट्रपति रोड्रिगो डुटेर्टेकी छोरी सारा डुटेर्टेले उपराष्ट्रपतिमा प्रतिस्पर्धा गर्ने भएकी हुन् ।
साराले आगामी सन् २०२२ मा हुने निर्वाचनमा देशको दोस्रो ठूलो पदका लागि प्रतिस्पर्धा गर्न लागेको निर्वाचन आयोगले जनाएको छ । देशको प्रभावशाली पार्टी लकास सीएमडी पार्टीको तर्फबाट उनले उमेदवारी दर्ता गराएको आयोगका अधिकारीहरूले जानकारी दिएका छन् ।
“सारा डुटेर्टेले उपराष्ट्रपति पदका लागि प्रतिस्पर्धा गर्न आवश्यक कागजपत्रहरू आफ्ना प्रतिनिधिमार्फत पठाएर उममेदवारी दर्ता गराउनुभएको छ । अब उहाँले उपराष्ट्रपतिमा प्रतिस्पर्धा गर्ने निश्चित भएको छ,” आयोगका प्रवक्ता क्रिश्चिना गार्सिया फ्रास्कोले भनेकी छन् ।
उमेदवारी दर्ताका लागि तोकिएको समयावधि सकिनै लाग्दा उनले उमेदवारी दर्ता गराएकी हुन् । निर्वाचन आयोगले आगामी मे महिनामा हुने निर्वाचनका लागि यही नोभेम्बर १५ सम्ममा उमेदवारी दर्ता गराउने समयावधि तोकेको छ ।
उनले पहिला आफ्ना पिताको उत्तराधिकारी नै हुने गरी राष्ट्रपतिमै प्रतिस्पर्धा गर्ने तयारी गरे पनि मापदण्ड पूरा नभएकाले अहिले उपराष्ट्रपतिमा उमेदवारी दिएकी हुन् । आफूले जनताले चाहेअनुसार काम गर्ने गरेकाले मतदाताले आफूलाई निर्वाचित गराउने उनले विश्वास व्यक्त गरिन् ।
एनएमबि न्यूज युटयुबमा पनि उपलब्ध छ । तपाई यहाँ क्लिक गरेर सब्सक्राइब गर्न सक्नुहुनेछ । साथै फेसबुक र ट्वीटरमार्फतपनि हामीसँग जोडिन सक्नुहुनेछ ।
पश्चिमी सीमामा तालीम प्राप्त कुकुरसहितको प्रहरी टोली परिचालन
२०७७ कार्तिक २० गते बिहिवार
हेलचेक्र्याइँले जोखिम बढ्दो, कोरोना महामारीको दोस्रो लहर आउन सक्ने
२०७७ मङ्सिर ३० गते मङ्गलवार
दक्षिण कोरियाको कार निर्यातमा वृद्धि
२०७७ कार्तिक १४ गते शुक्रवार
उपत्यकाका ट्राफिक बत्ती ‘स्मार्ट’ प्रणालीमा लैजाने
२०७७ पुष २९ गते बुधवार