समाचार

पुस एक गतेदेखि कोरियन भाषा परीक्षा हुने

eps exam

२८ कात्तिक, काठमाडौं । दक्षिण कोरियामा रोजगारीका निम्ति पास गर्नुपर्ने भाषा परीक्षा पुस १ देखि हुने भएको छ । इपिएस कोरिया शाखाले भाषा परीक्षा आगामी पुस १ देखि ७ गतेसम्म हुने एक सूचनामार्फत जानकारी दिएको छ ।

शाखाका अनुसार परीक्षा कम्प्युटरमा आधारित (पेपरलेस) हुने छ । उक्त परीक्षा पुस ७ गतेसम्म चल्नेछ । गत वर्ष भने कोभिडका कारण भाषा परीक्षा हुन सकेन । सन् २०१९ को भाषा परीक्षामा ८४ हजार २ सय १५ जना युवाहरुले सहभागिता जनाएका थिए ।

उनीहरुमध्ये १२ हजार ९ जनाले परीक्षा उत्तीर्ण गरेका थिए । उत्तीर्ण गरेका मध्यबाट १० हजार ५० ले दक्षिण कोरिया प्रवेश पाउने बताइएको थियो। तर कोरोनाका कारण उनीहरुले प्रवेश पाउन सकेका छैनन् । लामो समयपछि प्रतिवद्ध कामदार भने लैजान सुरु गरेको छ ।

दक्षिण कोरियाले सन् २००८ देखि कोटा छुट्ट्याएर नेपाली कामदार लैजाँदै आएको छ । सन् २००८ मा ८१ महिलासहित दुई हजार ७३३ पुरुष रोजगारीका लागि कोरिया गएका थिए । उक्त वर्ष ३१ हजार ५२५ जना भाषा परीक्षामा सहभागी भएका थिए ।

३०८ महिलासहित छ हजार ४०६ जनाले भाषा परीक्षा उत्तीर्ण गरेका थिए । सन् २००९ मा भने भाषा परीक्षा सञ्चालन भएन । सो वर्ष अघिल्लो वर्ष भाषा परीक्षा उत्तीर्ण गरेका ९११ युवाले कोरियाको श्रम बजारमा प्रवेश गरेको इपिएस शाखाको तथ्यांकले देखाउँछ ।

सन् २०१० मा दुई हजार ३३९, २०११ मा तीन हजार ९८३, २०१२ मा छ हजार ३३२, २०१३ मा पाँच हजार ४६, २०१४ मा छ हजार २८, २०१५ मा पाँच हजार ८६६, २०१६ मा आठ हजार ७९, २०१७ मा सात हजार ८०० र सन् २०१८ मा आठ हजार ५११ ले दक्षिण कोरियामा रोजगारीको अवसर प्राप्त गरेका थिए । नेपालीहरु मेहनती र इमान्दार भएको भन्दै कोरिया रोजगारदाताको  रोजाइमा पर्दै आएका छन् ।

एनएमबि न्यूज युटयुबमा पनि उपलब्ध छ । तपाई यहाँ क्लिक गरेर सब्सक्राइब गर्न सक्नुहुनेछ । साथै फेसबुकट्वीटरमार्फतपनि हामीसँग जोडिन सक्नुहुनेछ ।

प्रतिक्रिया दिनुहोस

Leave a Reply

Your email address will not be published. Required fields are marked *

प्रतिक्रिया दिनुहोस

Leave a Reply

Your email address will not be published. Required fields are marked *