'
६ मंसिर, काठमाडौं । अर्थमन्त्रीसमेत रहेका माओवादी केन्द्रका नेता जनार्दन शर्माले राष्ट्रिय राजनीति पुष्पकमल दाहाल ‘प्रचण्ड’कै दृष्टिकोणमा चलेको बताएका छन् । आज भरतपुरमा भरतपुर महानगरपालिकाले आयोजना गरेको ‘समृद्ध भरतपुरका लागि विकास बहस’ कार्यक्रममा बोल्दै उनले समाजवादको विकास प्रचण्डले नै गर्ने दाबी गरे ।
“गाली गर्दा पनि आलोचना गर्दा पनि आँखिर राष्ट्रिय राजनीति प्रचण्डकै दृष्टिकोणमा चलिरहेको छ,” शर्माले भने । नेतृत्व निर्माणको थलो चितवन भएको भन्दै उनले प्रचण्डजस्तो नेतृत्व जन्माउनमा चितवनको महत्वपूर्ण योगदान रहेको बताए ।
उनले भरतपुर महानगरको विकासले आफूलाई प्रेरित गरेकोसमेत बताए । देशका अन्य महानगरपालिकाले पनि भरतपुर महानगरबाट केही सिक्नुपर्ने उनको भनाइ छ । “अन्य नगरपालिकालाई ईर्ष्या गर्ने लायक भरतपुर बनेको छ,” उनले भने ।
आफू बोलेरभन्दा काम गरेर देखाउने मन्त्री भएको भन्दै उनले भरतपुरका निर्माणधीन गौरवका आयोजनालाई तीव्रता दिने बताए । “रंगशाला सानन, प्रतिष्ठाको विषय बनेको छ । यसलाई पूर्णता दिन छलफल भइरहेको छ,” उनले भने, “भरतपुर विकास हुँदा मेचीदेखि महाकालीलाई विकास गर्न प्रेरित गर्छ ।”
भरतपुर विमानस्थल विस्तार, नारायणी तटबन्द लगायतका अन्य आयोजनालाई पूर्णता दिइने उनकाे भनाइ छ ।
एनएमबि न्यूज युटयुबमा पनि उपलब्ध छ । तपाई यहाँ क्लिक गरेर सब्सक्राइब गर्न सक्नुहुनेछ । साथै फेसबुक र ट्वीटरमार्फतपनि हामीसँग जोडिन सक्नुहुनेछ ।
नारायणी र राप्तीमा जलपंक्षी गणना शुरु
२०७७ पुष २८ गते मङ्गलवार
देशभर थप १०४१ जनामा कोरोनाभाइरस संक्रमण पुष्टि
२०७७ भाद्र २० गते शनिवार
टोकियोमा स्वास्थ्य सङ्कटकाल लगाउन आग्रह
२०७७ पुष १८ गते शनिवार
हिमालय एअरलाइन्सद्वारा काठमाडौंका हस्पिटलहरुलाई चिकित्सा सामाग्री प्रदान
२०७७ असोज १८ गते आइतवार