'
१४ मंसिर, काठमाडौं । प्रधानमन्त्री एवम् नेपाली कांग्रेसका सभापति शेरबहादुर देउवाले अरू पार्टीको चिन्ता नगर्न आफ्ना नेता तथा कार्यकर्ताहरूलाई आग्रह गरेका छन् । मंगलबार सुवर्ण शमशेर अध्ययन प्रतिष्ठान र गणेशमान सिंह तथा सहिद स्मृति शान्ति प्रतिष्ठानले काठमाडौंमा आयोजना गरेको कार्यक्रममा देउवाले अरूको पार्टीको चिन्ता नगर्न आग्रह गरेका हुन् ।
उनले विगतका दिनमा पार्टीभित्रै अन्तरघात भएको स्मरण गर्दै अब एकतावद्ध भएर पार्टीलाई अघि बढाउनु पर्ने बताए । प्रधानमन्त्री देउवाले अरूको पार्टीमा आँखा लगाउन छोडेर आफ्नो पार्टीलाई अरूको भन्दा ठुलो पार्टी बनाउनमा जोड दिनुपर्ने बताए ।
“पार्टीलाई भोलिका दिनमा अगाडि बढाउनु छ । हामी सबै एक भएर जानुछ, एकजुट हुनुछ । तपाईहरूलाई थाहै छ, सत्य कुरा लुक्दैन । पार्टी भित्रै अन्तरघात हुनेदेखि लिएर अनेक भए । आगामी दिनमा यो पार्टीलाई एकतावद्ध गरेर राम्रोसँग जाने पार्टीको निर्णयलाई मानेर अघि बढ्नुपर्छ । हाम्रो पार्टी बनाउनेतिर लागौँ, अरूको पार्टी कस्तो छ ? आँखा धेरै लगाउनु पर्दैन, आफ्नो पार्टी बनाउनेतिर लागौँ । अरूको पार्टीको चिन्ता उनीहरूलाई गर्न दिनुस् न किन हामी गर्ने ? आफ्नो पार्टीको चिन्ता गरौँ, आफ्नो पार्टी बनाउँ । उहाँहरूको भन्दा ठुलो पार्टी बनाउँ,” उनले भने ।
देउवाले चाँडो गरिएको निर्णयले पछुताउनुपर्ने भन्दै कुनै पनि निर्णय गर्दा सोच विचार गर्नुपर्ने बताए । नेतृत्व र निर्णय गर्ने अधिकार सबैको आउने भन्दै उनले विश्वप्रकाश शर्मा र प्रकाशशरण महतलाई नेतृत्व गर्न नहतारिन आग्रह गरे । देउवाले बुढापाकाहरूलाई अर्ति दिनुभन्दा पनि बुढापाकाबाट अर्ती लिन सुझाव दिए । “बुढापालाई अर्ती दिने होइन क्या, बुढापाकाबाट अर्ती लिनुपर्छ ।”
एनएमबि न्यूज युटयुबमा पनि उपलब्ध छ । तपाई यहाँ क्लिक गरेर सब्सक्राइब गर्न सक्नुहुनेछ । साथै फेसबुक र ट्वीटरमार्फतपनि हामीसँग जोडिन सक्नुहुनेछ ।
प्रतिनिधिसभा पुनर्स्थापना भएपछि प्रधानमन्त्रीले बोलाए मन्त्रिपरिषदको बैठक
२०७७ फाल्गुन १४ गते शुक्रवार
एकैदिन करीब तीन लाख आठ हजार कोरोना संक्रमित थपिए, सबैभन्दा धेरै भारतमा
२०७७ भाद्र २९ गते सोमवार
भारतमा ८१ दिनपछि सबैभन्दा कम कोभिड–१९ सङ्क्रमित
२०७८ असार ६ गते आइतवार
केही बुँदा संशोधन गरी एमसीसी पारित गरिन्छ : प्रचण्ड
२०७८ असोज २ गते शनिवार