'
१७ मंसिर, काठमाडौं । नारायणी डेभलपमेन्ट बैंक लिमिटेडले पुस ७ गतेदेखि हकप्रद शेयर निष्कासन गर्ने भएको छ । बैंकले हाल कायम १ कित्ता शेयर बराबर नयाँ १ कित्ता शेयरको अनुपातमा हकप्रद शेयर निष्कासन गर्न लागेको हो ।
बैंकले १०० रुपैयाँ अंकित दरका रू. १३ करोड १२ लाख ३३ हजार ८०० बराबरको १३ लाख १२ हजार ३३८ कित्ता हकप्रद जारी गर्ने भएको हो ।
हकप्रद निष्कासनका लागि बैंकले मंसिर २४ गते बुकक्लोज गर्नेछ । बुक क्लोजको आधारमा मंसिर २३ गतेसम्मका कायम यस बैंकका शेयरधनीहरुले मात्र उक्त हकप्रदमा आवेदन दिन सक्नेछन् । उक्त हकप्रदमा पुस २७ गतेसम्म आवेदन दिन सकिनेछ ।
बैंकको हकप्रद शेयरको विक्री प्रबन्धक ग्लोबल आइएमई क्यापिटल लिमिटेड रहेको छ । हकप्रदमा ग्लोबल आइएमई क्यापिटल तथा नारायणी डेभलपमेन्ट बैंकका रजिष्टर्ड तथा सम्पूर्ण शाखा कार्यालयबाट आवेदन दिन सकिनेछ । यसका साथै धितोपत्र बोर्डबाट आस्बा अनुमति प्राप्त बैंक तथा वित्तीय संस्थाका साथै मेरोशेयर सफ्टवेयर मार्फत आवेदन दिन पाउनेछन् ।
इक्रा नेपालले बैंकलाई इक्राएनपी आईआर सिंगल सी प्लस रेटिङ प्रदान गरेको छ । यसले वित्तीय दायित्व पुरा गर्न ज्यादै उच्च जोखिममा रहेको संकेत गर्दछ । कम्पनीको चुक्तापूँजी हाल रू. १३ करोड १२ लाख ३३ हजार ८०० रहेको छ ।
हकप्रद निष्कासन पछि उक्त पूँजी रू. २६ करोड २४ लाख ६७ हजार ६०० पुग्नेछ ।
एनएमबि न्यूज युटयुबमा पनि उपलब्ध छ । तपाई यहाँ क्लिक गरेर सब्सक्राइब गर्न सक्नुहुनेछ । साथै फेसबुक र ट्वीटरमार्फतपनि हामीसँग जोडिन सक्नुहुनेछ ।
घरमै पसेर ५८ वर्षीया महिलामाथि बलात्कार गरेको आरोपमा एकजना पक्राउ
२०७८ जेष्ठ १८ गते मङ्गलवार
नयाँ टाटा सफारी नेपालमा, सुरुवाती मूल्य ८२ लाख
२०७८ भाद्र १० गते बिहिवार
अपरिचित व्यक्तिदेखि सजग रहन प्रहरीको आग्रह
२०७७ पुष २ गते बिहिवार
बाँकेमा थप ११ सङ्क्रमितको मृत्यु
२०७८ बैशाख २९ गते बुधवार