'
६ पुस, काठमाडौं । उत्तर कोरियाले हालै प्रशारण गरेको एउटा भिडियोमा देशका प्रमुख, किम जोङ उन अत्यन्तै उदास र भावुक अवस्थामा देखिएका छन् । उनले त्यसमा केही बोलेका छैनन् ।
तर नागरिकहरुलाई चाहिँ गम्भीर चेतावनी दिइएको छ । किमका बुवा, किम जोङ इलको मृत्युको दशौँ वर्षको राष्ट्रिय शोक कार्यक्रममा सहभागी हुन सर्वसाधारणलाई पनि खुसीको कुनै संकेत नदेखाउन भनिएको हो ।
११ दिन लामो शोक कार्यक्रममा कुनै पनि नागरिकले हास्ने, किनमेल गर्ने, मदिरा पिउने या जोडसँग रुन समेत नपाउने भनिएको छ । यसको उल्लंघन गरेमा उनीहरुमाथि गम्भीर कारबाही हुने भनिएको छ । ११ दिन सम्म उत्तर कोरियालीहरुलाई उपभोग्य वस्तुहरु समेत खरिद गर्न निषेध गरिएको छ ।
यति मात्र नभइ यो शोक अवधि भर कसैको परिवारमा मृत्यु भएमा, त्यसका कारण समेत ठूलो स्वरमा रुन पाइँदैन र शवलाई पनि ११ दिनपछि मात्र व्यवस्थापन गर्न निर्देशन दिइएको छ । यसबीच कसैको जन्मदिन परेमा त्यसलाई मनाउन पनि प्रतिबन्धित गरिएको छ ।
विगतमा केही मानिसहरु यो समयमा मदिरापान गर्दैगरेको फेला परेपछि तिनलाई गिरफ्तार गरिएको थियो र वास्तविक अपराधी जस्तै व्यवहार गरिएको एक श्रोतले जनाएका छन् । उनका अनुसार तिनीहरुलाई सेनाले उठाएर लगेका थिए जसपछि कहिल्यै देखा परेनन् ।
भिडियोमा किम आफू पनि अत्यन्तै दुःखी र आँसु खसाल्न लागेको अवस्थामा देखा परेका हुन् । उनका पिता जोङ इलको २०११ मा ह्दयघातबाट मृत्यु भएको थियो ।
एनएमबि न्यूज युटयुबमा पनि उपलब्ध छ । तपाई यहाँ क्लिक गरेर सब्सक्राइब गर्न सक्नुहुनेछ । साथै फेसबुक र ट्वीटरमार्फतपनि हामीसँग जोडिन सक्नुहुनेछ ।
ग्लोबल आइएमई बैंकद्वारा डिबेन्चर बिक्री खुला
२०७७ चैत्र १ गते आइतवार
रेल्वे कम्पनीले प्रस्ताव गर्यो भाडादर, डिलक्स सिटका लगि सामान्यभन्दा पाँच गुणा बढी
२०७७ माघ २८ गते बुधवार
मुलुक निर्वाचनमा गइसक्यो, जनतामा जान नडराऔँ : मन्त्री नेम्वाङ
२०७७ माघ १ गते बिहिवार
नीलगाईको आक्रमणबाट एकको मृत्यु
२०७७ फाल्गुन १७ गते सोमवार