
७ पुस, रोल्पा । रोल्पाको थवाङ सिधै काठमाडौंसँग जोडिएको छ । थवाङबाट काठमाडौंका लागि पहिलोपटक रात्रिबस सेवा सुरु भएसँगै थवाङ काठमाडौंसँग जोडिएको हो ।
बस सेवामार्फत थवाङबाट अब १२ घण्टामै काठमाडौं पुग्न सकिने भएको छ । थवाङबाट रुकुम पूर्वको खावाङ, बागलुङको बुर्तिवाङ, पोखरा हुँदै काठमाडौंका लागि रात्रिबस सेवा सुरु भएको छ । हाल घोडाघोडी डिलक्स यातायातले सेवा दिइरहेको छ ।
यसअघि, थवाङवासी सदरमुकाम लिवाङसम्म जीपमार्फत करिब आठ घण्टाको दूरी पार गर्दै रात्रिबसमा काठमाडौं जाने गरेका थिए । थवाङ–लिवाङ र लिवाङ–काठमाडौंको बराबरी भाडा तिर्न बाध्य उनीहरूलाई थवाङ–काठमाडौं बस सेवा सुरु भएसँगै राहत मिलेको छ ।
प्रतिक्रिया दिनुहोस