एनएमबि न्युज डेक्स, काठमाण्डौ ।
भाद्र–१८ मंगलबार
शनिवारदेखि बुटवलमा जारी नेकपा एमालेको प्रथम लुम्बिनी प्रदेश अधिवेशन अन्तरगत आज बिहानदेखि नेतृत्व चयनका लागि मतदान हुँदैछ । सोमबार पटक पटक निर्वाचन समय तालिका फेरिए पनि राति गर्ने भनिएको निर्वाचन रोकेर अहिले बिहानलाई सारिएको हो ।
भदौ १६ गतेदेखि बुटवलका अन्तर्राष्ट्रिय सम्मेलन केन्द्रमा जारी अधिवेशन अन्तरगत अध्यक्ष पदका लागि निवर्तमान अध्यक्ष राधाकृष्ण कँडेल र केन्द्रीय सदस्य हरिप्रसाद रिजालबीच प्रतिस्पर्धा हुन लागेको हो ।
बिहान ७ बजे मतदान सुरू हुने मुख्य निर्वाचन अधिकृत हरिप्रसाद भण्डारीले बताए। कँडेल उपाध्यक्ष विष्णु पौडेल र रिजाल महासचिव शंकर पोखरेल निकटका हुन्।
लुम्बिनीमा बन्ने २०५ सदस्यीय प्रदेश कमिटीका लागि ३६४ जनाको उम्मेदवारी परेको छ। उपाध्यक्षमा रुपन्देहीका भोजप्रसाद श्रेष्ठ, विश्वराज बराल र बाँकेका पूजन विश्वकर्माको उम्मेदवारी परेको छ। सचिवमा दाङका लक्ष्मण आचार्य निर्विरोध भएका छन् । दुई समूहमा परेकाले उनी निर्विरोध भएका हुन् ।
उपसचिव खुलामा ४ र महिलामा ३ जनाको उम्मेदवारी छ। उनीहरू उपेन्द्रलाल कामी–रुकुम पूर्व, दुर्गाप्रसाद थारू चौधरी–बाँके, पूर्ण बुढामगर–रोल्पा र हिरा एसी–गुल्मी हुन्। यस्तै, महिला उपसचिवमा बाँकेकी आरती पौडेल, वसन्ती अधिकारी र बाँकेकी लीला रानामगरको उम्मेदवारी रहेको छ। सबै पदमा समूहगत उम्मेदवारी परेको छ भने समूहको विरोध गर्दै उपाध्यक्ष तथा उपसचिवमा अन्य उम्मेदवार पनि मैदानमा गएका छन् ।
एनएमबि न्यूज युटयुबमा पनि उपलब्ध छ । तपाई यहाँ क्लिक गरेर सब्सक्राइब गर्न सक्नुहुनेछ । साथै फेसबुक र ट्वीटरमार्फतपनि हामीसँग जोडिन सक्नुहुनेछ ।
मधेसमा अपराधः ससाना विवाद, रिसइबीदेखि छलफल क्रममा पनि पेस्तोल देखाउने र गोली प्रहार गर्ने प्रवृति बढ्दै
२०७७ मङ्सिर २० गते शनिवार
वैकल्पिक बाटो नहुँदा बन्चरेडाँडामा फोहर व्यवस्थापन गर्न समस्या
२०७८ साउन ७ गते बिहिवार
हुम्लाको तुम्लिङमा फसे चार विदेशीसहित १२ जना
२०७८ कार्तिक ४ गते बिहिवार
युभेन्टसमा पिर्लोको विजयी सुरुवात
२०७७ असोज ५ गते सोमवार