एनएमबि न्युज डेक्स,काठमाण्डौ ।
भाद्र २१ बिहिबार ।
रुकुम पश्चिममा सर्पको टोकाइबाट सुत्केरीसहित दुई जनाको ज्यान गएको छ ।
चौरजहारी नगरपालिका वडा नम्बर १३ रातामाटाकी २२ वर्षकी विनिता ओली विष्ट र सानीभेरी गाउँपालिका वडा नम्बर १ जगल गाउँकी ६१ वर्षकी गङ्गी पुनको ज्यान गएको जिल्ला प्रहरी कार्यालय रुकुम पश्चिमले जनाएको छ ।
२२ वर्षकी विष्टलाई मङ्गलवार दिउँसो बारीमा घाँस काट्ने क्रम सर्पले टोकेको थियो । उहाँले सोमबार छोरीलाई जन्म दिनुभयो । सुत्केरीको रक्तश्राव नरोकिएपछि जिल्ला अस्पताल लगेकोमा बुधवार बिहान ज्यान गएको हो । सर्पको विष शरीरमा फैलिएको र रक्तश्रावका कारण विष्टको ज्यान गएको चौरजहारी अस्पतालका प्रशासक डिलबहादुर गिरीले जानकारी दिनुभयो । शिशुको पनि अवस्था गम्भीर छ । शिशु जन्मने अवधि कात्तिक महिना भए पनि सर्पले टोकेपछि गए राति नै जन्म भएको थियो ।
गङ्गी पुनलाई भने सर्पले भदौ ४ गते नै टोकेको थियो । सर्पले टोकेपछि पुनलाई चौरजहारी अस्पताल हुँदै प्रादेशिक अस्पताल सुर्खेतमा उपचार भइरहेकोमा चार दिनअघि आफन्तले गाउँमै उपचार गर्ने भन्दै लगेका थिए । अस्पतालबाट फर्किएको चार दिनमा उहाँको ज्यान गएको हो ।
एनएमबि न्यूज युटयुबमा पनि उपलब्ध छ । तपाई यहाँ क्लिक गरेर सब्सक्राइब गर्न सक्नुहुनेछ । साथै फेसबुक र ट्वीटरमार्फतपनि हामीसँग जोडिन सक्नुहुनेछ ।
मोटरसाइकल आयात ६० प्रतिशतले बढ्यो
२०७८ असार ११ गते शुक्रवार
कमलपोखरीमा दुई करोड ५० लाख लिटर पानी भर्ने तयारी
२०७७ चैत्र ६ गते शुक्रवार
आजको बजार : बढ्यो सुनचाँदीको मूल्य, कतिमा हुँदैछ कारोबार ?
२०७८ असार २२ गते मङ्गलवार
आज यी क्षेत्रमा भारी वर्षा, सतर्कता अपनाउन आग्रह
२०७८ असार १९ गते शनिवार