एनएमबि न्युज डेक्स,काठमाण्डौ ।
भाद्र २९ शुक्रबार ।
दैलेखका चट्याङ पर्दा एक जनाको मृत्यु भएको छ भने १९ जना घाइते भएका छन्। मृत्यु हुनेका महावु गाउँपालिका– १ की ४२ बर्षीय भुमिसरा खत्री रहेकी छन्।
भुमिसराको जिल्ला अस्पताल दैलेखमा उपचारका क्रममा साँझ ६ बजे मृतक घोषणा भएको जिल्ला प्रहरी कार्यालय दैलेखले जानकारी दिएको छ । बिहिबार अपरान्हपछि दैलेखका चार स्थानमा चट्याङ परेको छ ।
महाबु गाउँपालिका–१ खरिगैरा, ओखलढुङ्गा, डुङ्गेश्वर गाउँपालिका–६ लयाटी र नारायण नगरपालिका–४ तामेखोलामा चट्याङले क्षती पुर्याएको हो । चट्याङ लागेर एक जनाको मृत्यु भएको छ भने १९ जना घाइते भएका छन्।
जिल्ला प्रहरी कार्यालय दैलेखका अनुसार ओखलढुङ्गा स्थित मानबहादुर सेनको घरमा चट्याङ परेको थियो । उनकी श्रीमती पदमकुमारी सेन घाइते भएकी छन् भने घरमा बाँधेको बाख्रा मरेको छ । घाइते पदमकुमारीको जिल्ला अस्पताल दैलेखमा उपचार भइरहेको छ ।
चट्याङबाट दलबहादुर गुरुङ, जयबहादुर गुरुङ, सम्झना गुरुङ, रोशनी गुरुङ, खरजंग गुरुङ घाइते भई बेहोस भएकोले जिल्ला अस्पताल दैलेखबाट प्रदेश अस्पताल सुर्खेत रिफर भएका छन् ।
यस्तै, शान्ति गुरुङ, भद्रदेवी खत्री, बिनिता सेन, गंगा सेन, शिसिर सेन, करिष्मा सेन, कबिराज थापा, शेरबहादुर सेन, पदमाकुमारी सेन, मनसरा जैशी र मिनबहादुर थापा घाइते छन् । उनीहरुको जिल्ला अस्पताल दैलेखमा उपचार भईरहेको छ ।
यसैगरी, नारायण नगरपालिका ४ तामेखोला स्थित दिलबहादुर खड्काको गोठमा चट्याङका कारण एक गोरुको मृत्यु भएको छ भने अर्को घाइते भएका छ ।
उक्त चट्याङबाट स्थानीय पार्वती कठायत र नन्दा कठायत घाइते भई बेहोस अवस्थामा जिल्ला अस्पताल दैलेखबाट थप उपचारका लागि प्रदेश अस्पताल सुर्खेत रिफर गरिएको प्रहरीले जनाएको छ ।
एनएमबि न्यूज युटयुबमा पनि उपलब्ध छ । तपाई यहाँ क्लिक गरेर सब्सक्राइब गर्न सक्नुहुनेछ । साथै फेसबुक र ट्वीटरमार्फतपनि हामीसँग जोडिन सक्नुहुनेछ ।
भारतमा कोरोना संक्रमित ६३ लाख पुगे, ९८ हजार बढीको मृत्यु
२०७७ असोज १५ गते बिहिवार
वातावरणीय सन्तुलनका लागि कतार एयरवेज समूहको पहल जारी रहने
२०७८ जेष्ठ २३ गते आइतवार
आज १५औं लोकतन्त्र दिवस : जनताले जितेको दिन
२०७८ बैशाख ११ गते शनिवार
सिद्धार्थ बैंकका ग्राहकलाई अर्थोप्लास्ट रिह्याब सेन्टरमा छुट
२०७८ साउन १९ गते मङ्गलवार