एनएमबि न्युज डेक्स,काठमाडौं
कात्तिक १४ ,मंगलबार
दशैंको सकिए लगतै मकवानपुर प्रहरीले गाँजा फडानीको अभियानलाई तीब्र बनाउने संकेत गरेको छ । प्रहरीले मकवानपुरको राक्सिराङ गाउँपालिका पुगेर एकै दिन ६१ विगहा गाँजा फडानी गरेको हो ।
प्रहरीले राक्सीराङ गाउँपालिका वडा नंबर ९ रुन्चेवाङ, डनटार, झरना क्षेत्रमा १५ विगा, राक्सिराङ ४ जयसिंङताल, यतिखोला क्षेत्रमा २७ विगहा तथा गैरीखेत बाजोखेत क्षेत्रमा १९ विगहा गाँजा फडानी गरेको मकवानपुर प्रहरीले जनाएको छ ।
प्रहरीले दशैं अघि चालु आर्थिक वर्षमा १५ विगा गाँजाखेती नष्ट गरिसकेको थियो । सामान्यतया पश्चिम मकवानपुरको राक्सिाराङ, कैलाश, उत्तरी मकवानपुरको भीमफेदी तथा थाहा नगरको केहि क्षेत्रका किसानहरुले गाँजा लगाउने गरेका छन् । प्रहरीले भदौदेखि मंसिरसम्म गाउँगाउँ पुगेर गाँजा खेतिमा आगो लगाउने, फडानी गर्ने काम प्रत्येक वर्ष गर्ने गरेको छ ।
प्रहरीले सुरु गरेको गाँजा फडानीको स्थानीय नेताहरुले बिरोध गरेका छन् । माओवादी केन्द्रका नेता विरबहादुर लामाले गरिब किसानको मेहनत नष्ट गर्ने काम बन्द गर भन्दै सामजिक सञ्जालमा प्रहरीले गाँजा फडानी गरेको तस्बिर पनि राखेका छन् ।
स्थानीय प्रदिप कालाखेतीले नेपाललाई थप गरिब बनाउने प्रयास गरेको भन्दै ब्यङग्य पनि गरेका छन् । स्थानीय जनताको बिरोधबीच मकवानपुरका प्रमुख जिल्ला अधिकारी, प्रहरी प्रमुख सहितको टोलीले आज गाँजा फडानी क्षेत्रको अवलोकन गर्ने भएका छन् ।
उनीहरुको अवलोकनको समयमा उच्च प्रहरी सतर्कता अपनाइने मकवानपुरका प्रहरी प्रवक्ता डिएसपी लक्ष्मी भण्डारीले बताउनुभयो ।
एनएमबि न्यूज युटयुबमा पनि उपलब्ध छ । तपाई यहाँ क्लिक गरेर सब्सक्राइब गर्न सक्नुहुनेछ । साथै फेसबुक र ट्वीटरमार्फतपनि हामीसँग जोडिन सक्नुहुनेछ ।
गण्डकी प्रदेशसभामा तीन दलद्वारा सुरक्षाको माग
२०७८ बैशाख १७ गते शुक्रवार
पछिल्लो २४ घण्टामा २६ सय बढी कोरोना संक्रमित थपिए, १४ को मृत्यु
२०७८ बैशाख ११ गते शनिवार
प्रधानमन्त्री कार्यालय मेरो लागि नयाँ ठाउँ हो: उपप्रधानमन्त्री पोखरेल
२०७७ कार्तिक ४ गते मङ्गलवार