एनएमबि न्युज डेक्स, काठमाण्डौ ।
कार्तिक १५ बिहिबार ।
संघीय संसद्अन्तर्गतको प्रतिनिधिसभा बैठक आज बिहान ११ बजे बस्ने भएको छ। बैठकमा चालु अधिवेशनमा विभिन्न मन्त्रालयबाट उत्तर प्राप्त भएका सबै मौखिक तथा लिखित प्रश्न र उत्तरहरू सम्बन्धित मन्त्रीहरुबाट टेबुल गरिने सम्भावित कार्यसूची छ।
सभामुख देवराज घिमिरेले प्रधानमन्त्री तथा मन्त्रिपरिषद्को कार्यालयबाट प्राप्त कार्यभार तोकिएको सम्बन्धी पत्रहरूको व्यहोरा पढेर सुनाउने कार्यसूचीमा उल्लेख छ।
यसैगरी प्रधानमन्त्री पुष्पकमल दाहाल ‘प्रचण्ड’ले बैठकमा राष्ट्रिय दलित आयोगको दोस्रो वार्षिक प्रतिवेदन आर्थिक वर्ष २०७८र७९ र तेस्रो वार्षिक प्रतिवेदन २०७९–८० पेश गर्ने कार्यसूची रहेको छ। सभामुख घिमिरेले प्रतिनिधिसभा नियमावली २०७९ को नियम २१३ को उपनियम ९१० बमोजिम १० वा सो भन्दा बढी बैठकमा अनुपस्थित सदस्यहरूको अनुपस्थितिको सूचनाहरू सभाको स्वीकृतिका लागि पेश गर्ने संसद सचिवालयले जनाएको छ।
आजको बैठकमा शीर्ष नेताले सम्बोधन गरेपछि बर्खे अधिवेशन अन्त्य गर्ने सरकारको तयारी छ। संक्रमणकालीन न्याय सम्बन्धी विधेयक यही अधिवेशनबाट टुंगो लगाउने तयारी गरिरहेको सरकार नै अधिवेशनको अन्त्यको तयारीमा लागेको हो।आजको बैठकमा शीर्ष नेताले सम्बोधन गर्ने र अधिवेशन अन्त्य हुने सत्तारुढ माओवादी केन्द्रका प्रमुख सचेतक हितराज पाण्डेले जानकारी दिए।
एनएमबि न्यूज युटयुबमा पनि उपलब्ध छ । तपाई यहाँ क्लिक गरेर सब्सक्राइब गर्न सक्नुहुनेछ । साथै फेसबुक र ट्वीटरमार्फतपनि हामीसँग जोडिन सक्नुहुनेछ ।
हुम्लामा कोरोना सङ्क्रमितलाई औषधि अभाव
२०७८ जेष्ठ १८ गते मङ्गलवार
‘माग पुरा नभएसम्म तेल उठाउँदैनौँ’
२०७८ जेष्ठ ३० गते आइतवार
दाङमा शव बोकेको एम्बुलेन्स दुर्घटना हुँदा ३ जना घाइते
२०७७ साउन २९ गते बिहिवार
मुठभेडको अवस्थामा एमाले
२०७७ फाल्गुन २९ गते शनिवार