टिभिएसको रोनिन मोटरसाईकल हेटौंडा अटोमार्टमा

एनएमबि न्युज डेक्स,काठमाडौँ
पुस ९ सोमबार ।

बहुप्रतिक्षित टिभिएसको पहिलो ‘मोडर्न–रेट्रो’ अनस्क्रिप्टेड लाइफस्टाइल मोटरसाईकल ‘रोनिन’ हेटौडामा उपलब्ध हुने भएकोछ । नेपालका लागि टिभिएसको आधिकारिक बिक्रेता जगदम्बा मोटर्सले नेपालमा टिभिएस रोनिन सार्वजनिक गरेसंगै हेटौंडाको रानीदरबार अगाडि रहेको हेटौंडा अटोमार्टमा पनि उक्त मोटरससाइकल सार्वजनिक गरिएको हो । कम्पनीले टिभिएस ‘रोनिन’ लन्च गर्दै प्रिमियम मोटरसाइकल जगतमा ‘रोनिन’ लाइफस्टाइल सेग्मेन्टमा प्रवेश गरेको जनाएको छ । टिभिएस ‘रोनिन’ नयाँ युगका राइडरहरुकालागि तयार गरिएको मोटरसाइकल हो । यो स्टाइल, प्रविधि र सवारी अनुभवलाई ध्यानमा राखेर निर्माण गरिएको छ जसले नयाँ पुस्ताका राइडरहरुका लागि अनस्क्रिप्टेड जीवनशैली प्रवर्द्धन गर्दछ । २२५ सिसि क्षमताको टिभिएस ‘रोनिन’ मोटरसाइकलको तौल १६० के. जी. छ भने यसले २०.४ पिएस पावर उत्पादन गर्नुको साथै १९.९३ एनएम टर्कले मोटरसाइकलमा सबैभन्दा राम्रो पावर–टू–वेट रेसियो बनाउँछ । क्लासिक डिजाइन प्याकेजमा ‘रोनिन’ मोटरसाइकललाई रेन र अर्बन एबीएस मोड, ग्लाइड टेक्नोलोजी (जीटीटी), भ्वाइस र राइड सहायता सहितको स्मार्ट ब्लुटुथ कम्युनिकेसन जस्ता विशिष्ट प्राविधिक सुविधाहरूसहित निर्माण गरिएको छ । टिभिएस ‘रोनिन’ले टचपोइन्टहरूको कुरामा आफ्ना ग्राहकहरू र उनीहरूका प्रमुख सम्बन्धहरूलाई राम्रो संग बुझेको छ । यसले ग्राहकहरूको मुख्यतया संगीत, यात्रा र सामाजिक सम्बन्धहरूद्वारा संचालित अनुभवहरूलाई सहज रूपमा जोड्न मद्दत गर्दछ । हेटौंडा अटोमार्टका सञ्चालक प्रवेशराज बरुवालका अनुसार टिभिएस ‘रोनिन’ले नेपालका धेरै युवा राइडरलाई आधुनिक रेट्रो मोटरसाइकलको सहज सवार प्रति प्रोत्साहित गर्नेछ । ‘रोनिन’ स्टाइल, कम्फर्ट र टेक्नोलोजीको पर्फेक्ट फ्युजन रहेको बरुवालले बताउनुभयो । त्यस्तै हेटौंडा अटोमार्टका अर्का सञ्चालक कञ्चन बुढाथोकीका अनुसार “टिभिएस ‘रोनिन’को लन्च नेपालमा टिभिएस मोटरका लागि महत्वपूर्ण माइलस्टोन हो । यो मोटरसाइकलको साथ नेपाली बजारमा बाइकिङ समुदायलाई टिभिएस ‘रोनिन’को विशिष्ट डिजाइन, अत्याधुनिक प्रविधि र जडान गरिएका सुविधाहरूको लाभ उठाउने अवसर प्रदान गर्ने लक्ष्य राखिएको छ । यो मोटरसाइकलको लन्चले टिभिएसले उत्पादनको दायरा, विशेष गरी आधुनिक रेट्रो क्षेत्रमा विस्तार भएको छ ।” टिभीएस मोटर कम्पनीका कार्यकारी निर्देशक अखिल गुप्ताका अनुसार “टिभिएस ‘रोनिन’ एउटा मोटरसाइकलमात्र नभई एक जीवनशैली हो । हामीलाई विश्वास छ कि यसको डिजाइन र आधुनिक प्रविधिको अद्वितीय मिश्रणले नेपालको जीवन्त संस्कृतिलाई प्रतिध्वनि गर्नेछ । टिभिएस ‘रोनिन’को यो लन्च ग्राहकहरूलाई नवीन र रोमाञ्चक उत्पादनहरू प्रदान गर्ने हाम्रो प्रतिबद्धताको प्रमाण हो ।” प्रतिष्ठित डेमिङ पुरस्कार प्राप्त गर्ने एक मात्र दुई पाङ्ग्रे सवारी कम्पनीले उत्पादन गरेको टिभीएस ‘रोनिन’ नेपाली बजारमा टिडि संस्करण (ट्रिपल टोन डुअल च्यानल, एबिएस) मा उपलब्ध हुनेछ । यो २०८० पौषदेखि देशभरका टिभीएस मोटर्सको आउटलेटहरूमा रु. ४लाख ४९ हजार ९०० मा उपलब्ध छ ।