अनुज पछाई, काठमाडौँ
माघ १२,शुक्रबार ।
काठमाडौँको कलंकी मालपोत रोडमा रहेको मानव सेवा फाउण्डेसनको प्राङगणमा बिहिबार छुट्टै खाले रौनक देखियो । जहाँ पञ्चेबाजाको स्वर गुन्जिएको थियो । लाग्थ्यो केहि बिशेष कार्यक्रम छ । त्यहाका कर्मचारीहरु हसिलो मुद्रामा हातमा फुलमालाका टोकरी बोकेर ठूलै राजनेता अथवा ख्याति प्राप्त व्यक्तिहरुको स्वागतको लागि बसेको जस्तो देखिन्थे । तर कारण भने त्यस्तो थिएन ।
एकैछिनमा जाजरकोट डोल्पा टु काठमाडौँ लेखेको बस उक्त कार्यालयको अगाडी आएर रोकियो । मनमा केहि उत्साहले भरिएका कोपिलाजस्तै बालबालिकाहरुले भरिएको थियो उक्त गाडि । ३० बढी सुन्दर कोपिलाजस्ता बालबालिकाको भने दैबले मालीलाई छुटाएको रहेछ । अर्थात गत कार्तिक १७ गते राति गएको भुकम्पमा परेर आफ्नो अभिभावक नै गुमाएका बालबालिका रहेछन ।
अबोध बालबालिका जस्लाई आफ्नो भबिष्यको बारेमा कुनै वास्ता नै छैन । बाबाआमा आफुबाट छुटिनुको पिडा भएपनि पिडालाई लामो समयसम्म मनमा नलिने उनै बालबालिकाको सुन्दर भबिष्य निर्माण गर्ने बृहत उद्देश्य बोकी जाजरकोट पुगेर बालबालिका लिएर आएको गाडि र उनै बालबालिकाको स्वागतको लागि रहेको थियो पञ्चेबाजासहितको स्वागत कार्यक्रम ।
मानवसेवा फाउण्डेसन नेपालद्धारा सञ्चालित मामाघर सपोर्ट एण्ड केयर सेन्टर नेपाल ललितपुर जिल्लाको गोदावरी नगरपालिका वडा नं. १४ बाँडेगाउमा रहेको छ ।
बालबालिका भबिष्यका कर्णदार मानिन्छन । यो हो पनि । किनकी आजको बालबालिका नै भोलिको अभिभावक हुन । यसै कुरालाई आतमसाथ गर्दै मामाघर सपोर्ट एण्ड केयर सेन्टरले देशभरका अभिभावक विहिन बालबालिकाहरुलाई आश्रम प्रदान गर्दै आएको छ ।
कस्ले सञ्चालन गर्दै आएको छ त मामाघर आश्रम ?
आफुलाई विश्वबिख्यात कथावाचकको रुपमा परिचय स्थापित गर्न सफल भएका वालयोगेश्वर विजयमूर्ती महाराज श्री कै सङकल्पमा उक्त मामाघर आश्रम सञ्चालनमा आएको छ । श्रीमद्भागवत लगायतका कथा वाचनमा आफ्नो छुट्टै पहिचान बनाइसकेका वालयोगेश्वरले मामाघरमा आफु मामा बनेर भान्जाभान्जि जस्तै गरेर स्यार सत्कार गरेका छन । उनै वालयोगेश्वरकै एकल प्रयासमा उता भक्तपुरको चागुनारायण नगरपालिका ताथलिमा पनि छोरीको घर ज्येष्ठ नागरिक आश्रम सञ्चालनमा आएको छ । उता पनि दर्जन बढी आधारभुत आवस्यक्ताबाट बन्चित रहेका ज्येष्ठ नागरिकले आश्रय लिइरहेका छन ।
यस अघि देशका बिभिन्न स्थानबाट ३८ बालबालिकाले मामाघरबाट निःशुल्क गासँ,बास,कपास,शिक्षा,स्वास्थ्य जस्ता आधारभुत आवस्यक्ता प्राप्त गरिरहेका छन । त्यस्तै जाजरकोटबाट भूकम्प पीडित ३० थपिएसंगै वालयोगेश्वर विजयमूर्ति महाराज श्रीका ६८ जना भान्जा भान्जि भएका छन ।
अब भूकम्पमा परी अभिभावक गुमाएका वा अन्य विपद्मा परी समस्याका परेका कुशे र बारेकोट गाउँपालिकाका २९ जना बालबालिकाको हेरचाह अनाथालयले गर्ने भएको हो । कुशेका १६ जना र बारेकोट गाउँपालिकाको १३ जना बालबालिका मामाघरमा आएका हुन ।
कक्षा १२ सम्म निःशुल्क पढाइने गरी बालबालिकाहरू लाई मामाघर लगिएको हो ।
वालयोगेश्वर विजयमूर्ति महाराज श्रीले महायज्ञ जस्ता धार्मिक कार्य गरेर उक्त धार्मिक कार्यबाट सङकलन भएका आर्थिक रकमबाट अहिले बालबालिकाको खर्च जोहो गरिरहेका छन । उनको होस्टेमा हैसे भने ललितपुर जिल्लाको गोदावरी नगरपालिका वडा नं. ३ का वडा अध्यक्ष राज घिमिरेले गरिरहेका छन । चलचित्र क्षेत्रहुदै विभिन्न सामाजिक क्षेत्रमा आफुलाई अग्र पङतिमा राखेका उनै वडा अध्यक्ष घिमिरे मामाघरको स्थापनाको लागि जग्गा व्यबस्थापन लगायतका कार्यमा रातदिन लागिपरिरहेको छन ।
हेर्दा सेवाको अर्थ खोज्न परे वालयोगेश्वर विजयमूर्ती महाराजलाई हेरे पुग्छ जस्तै लाग्छ । उनले बालबालिका तथा ज्येष्ठ नागरिकलाई आश्रम मात्र दिएका छैनन् हजारौ मन्दिर तथा धार्मिक स्थल निर्माणको लागि आर्थिक तथा मानविय सहयोग गर्दे आएका छन । त्यस्तै हजारौ बिरामी जो आर्थिक अभाबकै कारण उपचार गर्न सकिराखेका हुदैनन उनिहरुलाई पनि आर्थिक सहयोग गर्दै आइरहेका हुन्छन ।
एनएमबि न्यूज युटयुबमा पनि उपलब्ध छ । तपाई यहाँ क्लिक गरेर सब्सक्राइब गर्न सक्नुहुनेछ । साथै फेसबुक र ट्वीटरमार्फतपनि हामीसँग जोडिन सक्नुहुनेछ ।
संवैधानिक इजलासका पाँचै जना न्यायाधीश बिदामा
२०७७ फाल्गुन १३ गते बिहिवार
सरकारमा नजाने जनमोर्चाको निर्णय
२०७८ असार ३० गते बुधवार
मंगलबार थप ७८ जनामा कोरोना संक्रमण पुष्टि
२०७७ फाल्गुन १८ गते मङ्गलवार
सिन्धुपाल्चोकमा भौगर्भिक अध्ययन हुँदै
२०७७ मङ्सिर १२ गते शुक्रवार