एनएमबि न्युज डेक्स,काठमाडौं
जेठ २३,बुधबार ।
विकेट लिने प्रसस्त अवसर गुमाउँदा टी–२० विश्वकपको पहिलो खेलमा नेपाल नेदरल्यान्ड्सँग ६ विकेटले पराजित भएको छ। नेपालले प्रस्तुत गरेको १ सय ७ रनको लक्ष्य नेदरल्यान्ड्सले १८।४ ओभरमा ४ विकेटको क्षतिमा भेट्टाएको थियो।
झिनो लक्ष्य प्रस्तुत गरेको नेपालले खेलमा विकेट लिने थुप्रै अवसर गुमायो। सोमपाल कामी र कप्तान रोहित पौडेल क्याच लिने अवसरबाट चुकेका थिए। तथापी सोमपाल कामी, दीपेन्द्र सिंह ऐरी र अविनाश बोहराले १–१ विकेट लिए।
नेदरल्यान्ड्सका लागि म्याक्स ओ डाउडले सर्वाधिक ५४ रन बनाए। विक्रमजित सिंहले २८ बलमा २२ रन जोडे। साइब्रान्ड एन्जलब्रर्चटले १६ बलमा १४ रनको योगदान दिए।
यसअघि टस हारेर पहिले ब्याटिङ गरेको नेपालले सबै विकेटको क्षतिमा १०६ रन बनाएको थियो। नेपालका लागि कप्तान रोहित पौडेलले ३७ बलमा ५ चौकासहित सर्वाधिक ३५ रन बनाए। खेलमा खराब सुरुवात गरेको नेपालले चौथो ओभरमा नै दुवै ओपनरलाई गुमाएको थियो। भुर्तेल ७ र आसिफ शेख ४ रन बनाएर आउट भए।
करन केसीले १७, गुल्सन झा १४, अनिल शाह ११, कुशल मल्ल ९ बलमा ९ रन बनाएर आउट भए। अन्य ब्याट्सम्यानले दोहोरो अंकमा रन बनाउन सकेनन्। नेदरल्यान्ड्सका लागि टिम प्रिंगल र लोगन भान विकले ३–३ विकेट लिए भने पाउल भान मेकरेन र बास डे लिडेले २–२ विकेट लिए।
एनएमबि न्यूज युटयुबमा पनि उपलब्ध छ । तपाई यहाँ क्लिक गरेर सब्सक्राइब गर्न सक्नुहुनेछ । साथै फेसबुक र ट्वीटरमार्फतपनि हामीसँग जोडिन सक्नुहुनेछ ।
धनगढीका रिक्सा चालकलाई मेगा बैंकको क्यूआर कोड सेवा
२०७७ चैत्र २९ गते आइतवार
स्मार्टडोको ‘स्मार्ट दसैँ अफर’
२०७८ असोज १४ गते बिहिवार
खोप ल्याउन ढिलाइ : जीटूजी र निजी क्षेत्रको विकल्प खुला गर्न सुझाव
२०७७ मङ्सिर २८ गते आइतवार
चक्कु प्रहार गरी श्रीमानको हत्या गरेर प्रहरीमा पुगिन महिला
२०७७ पुष १३ गते सोमवार