टिभिएसको दुई नयाँ मोडल हेटौंडामा सार्वजनिक

एनएमबि न्युज डेक्स,काठमाडौँ
असोज ,४  शुक्रबार ।

टिभिएसको दुई नयाँ मोडल हेटौंडामा सार्वजनिक गरिएको छ । टिभिएस कम्पनीको हेटौंडाको आधिकारिक बिक्रेता हेटौंडा अटो मार्टसले असोज ३ गते शुक्रबार उक्त मोडलहरु सार्वजनिक गरेको हो । टिभिएसको नेपालका लागि आधिकारिक बिक्रेता जगदम्वा मोटर्स को आधिकारिक बिक्रेता हेटोंडा अटोमार्टमा टिभिएसको रेडर (एफआई) र रेडिअन (एफआई) सार्वजनिक गरिएको हो । नयाँ पुस्ताका राईडरहरुलाई ध्यानमा राखि उक्त दुई मोडल तयार गरिएको कम्पनीको दाबी रहेको छ। टिभिएसको रेडर (एफआई) र रेडिअन (एफआई) फ्युल ईन्जेक्सन भेरिएन्ट ग्राहकको चाहना अनुसार तयार गरिएकोले यसले सजिलै ग्राहकको मन जित्ने हेटौंडा अटो मार्टका सञ्चालक प्रवेशराज बरुवालले बताउनुभयो । यी दुबै मोडलमा आधुनिक डिजईन भएको र यसले ईन्धनको प्रयोगलाई किफायती बनाउने हेटौंडा अटो मार्टका अर्का सञ्चालक कञ्चन बुढाथोकीले बताए । टिभिएसको रेडर (एफआई)को मूल्य २ लाख ९२ हजार ९०० र रेडिअन (एफआई) को मूल्य २ लाख ३६ हजार ९०० रहेको छ ।