समाचार

सुमोबाट खसेर ८ बर्षिय बालकको मृत्यु

6101281642985228768

एनएमबि न्युज डेक्स,काठमाडौं
कार्तिक २ शुक्रबार ।

गुडिरहेको सुमोबाट खसेर खोटाङमा एक बालकको मृत्यु भएको छ । दिक्तेल रुपाकोट मझुवागढी नगरपालिका –४ खाल्लेका दीपक बस्नेतका ८ वर्षका छोरा हेमन्त बस्नेतको मृत्यु भएको हो ।

जिल्ला प्रहरी कार्यालय खोटाङका प्रमुख ९डिएसपी० प्रतीक बिष्टका अनुसार बिहीबार राति करिब ८ः३० बजेको समयमा बालक गाडीबाट खसेका हुन् । खाल्लेबाट खानीडाँडातर्फ आउँदै गरेको ना १ ज ५७४३ नम्बरको सुमो गाडीबाट बालक हेमन्त खसेको बताइएको छ । गाडी चालक गोविन्द कट्वाललाई नियन्त्रणमा लिइएको डिएसपी बिष्टले बताउनुभयो ।

बालक सडकमा घाइते अवस्थामा लडिरहेको आफन्तले भेटाएपछि जिल्ला अस्पताल दिक्तेल ल्याइएको थियो । बालकको अवस्था जटिल रहेकाले जिल्ला अस्पतालमा उपचार सम्भव नभएपछि काठमाडौं लगिएको छ । काठमाडौं लाँदैगर्दा हलेसीमा पुगेपछि बालक हेमन्तको मृत्यु भएको ९डिएसपी० बिष्टले बताउनुभयो ।

मृतक बालकको शव हाल जिल्ला अस्पतालको शवगृहमा राखिएको छ । बालक कसरी गाडीबाट खसे भनेर अनुसन्धान सुरु गरिएको ९डिएसपी० बिष्टले बताउनुभयो ।

एनएमबि न्यूज युटयुबमा पनि उपलब्ध छ । तपाई यहाँ क्लिक गरेर सब्सक्राइब गर्न सक्नुहुनेछ । साथै फेसबुकट्वीटरमार्फतपनि हामीसँग जोडिन सक्नुहुनेछ ।

प्रतिक्रिया दिनुहोस
प्रतिक्रिया दिनुहोस