एनएमबि न्युज डेक्स,काठमाडौं ।
मंसिर २०,बिहिबार ।
नेपाल प्रिमियर लिग एनपीएलमा सुदूरपश्चिम रोयल्सले काठमान्डु गुर्खाजलाई ७३ रनले पराजित गरेको छ ।
बिहीबार भएको खेलमा १६८ रनको लक्ष्यमा जवाफी ब्याटिङ गरेको काठमान्डु गुर्खाज १५।५ ओभरमा ९४ रन बनाएर अलआउट भएको हो ।
सुदूरपश्चिमको यो लगातार दोस्रो जित हो भने काठमान्डुको दोस्रो हार हो ।
काठमान्डुका लागि स्टीफन एस्किनाजीले ३७ रन बनाए । सुमित महर्जनले १४, गेर्हार्ड इरास्मसले १० र भीम सार्कीले १० रन बनाए । अन्य खेलाडीले दोहोरो अंक छुन सकेनन् ।
सुदूरपश्चिमका लागि नरेन साउदले ४ विकेट लिए । अविनाश बोहराले २, तथा सैफ जैब र ब्राण्डन म्याकमुलनले १–१ विकेट लिए ।
यसअघि सुदूरपश्चिमले पूरै ओभर खेलेर ६ विकेटको क्षतिमा १६७ रन बनाएको थियो ।
सुदूरपश्चिमका लागि ब्राण्डन म्याकमुलनले अर्धशतकीय पारी खेले । उनले ३६ बलमा ३ चौका र ४ छक्का प्रहार गर्दै ५३ रन जोडे ।
ओपनर विनोद भण्डारीले ३५ र सैफ जैबले ११ रन बनाए । रोहन मुस्तफा भने ४ रनमा आउट भए । कप्तान दीपेन्द्रसिंह ऐरी ४३ रनमा आउट भए । उनले ३ चौका र २ छक्का प्रहार गरे ।
एनएमबि न्यूज युटयुबमा पनि उपलब्ध छ । तपाई यहाँ क्लिक गरेर सब्सक्राइब गर्न सक्नुहुनेछ । साथै फेसबुक र ट्वीटरमार्फतपनि हामीसँग जोडिन सक्नुहुनेछ ।
दार्चुलामा एक ७५ वर्षीया वृद्धाको हत्या, आफ्नै नाति फरार
२०८० भाद्र ११ गते सोमवार
कोरोना रोकथाम, उपचार तथा नियन्त्रणका लागि अर्थ मन्त्रालयले छुट्टयायो ४ अर्ब ३१ करोड
२०७८ जेष्ठ २ गते आइतवार
प्रचण्डलाई ओलीको नयाँ अफर
२०७७ मङ्सिर २५ गते बिहिवार
सिटिजन्स बैंकको शाखा रहित बैंकिङ्ग सेवा उदयपुरकोे लालपत्तामा
२०७८ बैशाख ३ गते शुक्रवार