एनएमबि न्युज डेक्स,काठमाडौं
पुस–५ शुक्रबार ।
। नेकपा (एकीकृत समाजवादी)का अध्यक्ष माधवकुमार नेपाल र ‘पार्टी एकता राष्ट्रिय अभियान’का संयोजक वामदेव गौतमबीच भेटवार्ता भएको छ ।
एकीकृत समाजवादीका अध्यक्ष नेपालले भैँसेपाटीस्थित गौतम निवास पुगेर बिहीबार बेलुकी भेटवार्ता गरेका हुन् । भेटमा अध्यक्ष नेपालले एकीकृत समाजवादीको हालै सम्पन्न स्थायी कमिटी बैठकले ‘पार्टी एकता राष्ट्रिय अभियान’लाई पार्टीमा समाहित गरी संयोजक गौतमलाई पार्टीमा ल्याउने निर्णय गरेको सुनाएका थिए । त्यसपछि त्यही विषयमा छलफल गरिएको स्रोतले जनाएको छ ।
एकीकृत समाजवादीबाट प्रमेश हमाल, बलराम बाँस्कोटा र गौतम नेतृत्वको पार्टी एकता राष्ट्रिय अभियानका नेताडीबी कार्कीसहितको उक्त भेटमा दुई पार्टीबीच एकता गर्ने प्रस्ताव तयार गर्ने र छिट्टै एकता गर्नेबारेमा सकारात्मक छलफल भएको एकीकृत समाजवादीको सचिवालयले जनाएको छ ।
करिब दुई घण्टा लामो भेटवार्तामा नेताहरूबीच मुलुकको समसामयिक राजनीतिक विषयवस्तु, वामपन्थी शक्तिबीच एकता तथा सहकार्यलगायत विषयमा छलफल भएको थियो । गौतमले ‘पार्टी एकता राष्ट्रिय अभियान’ स्थापना गरी वामपन्थी दललाई एकताबद्ध गर्न विभिन्न गतिविधि सञ्चालन गर्दै आएका छन् ।
एनएमबि न्यूज युटयुबमा पनि उपलब्ध छ । तपाई यहाँ क्लिक गरेर सब्सक्राइब गर्न सक्नुहुनेछ । साथै फेसबुक र ट्वीटरमार्फतपनि हामीसँग जोडिन सक्नुहुनेछ ।
कञ्चनपुरमा १९ वर्षीया किशोरीमाथि सामूहिक बलात्कार, एकजना युवक पक्राउ
२०७८ जेष्ठ २८ गते शुक्रवार
होटलबाट ३ युवतीसहित ७ जना पक्राउ
२०७७ कार्तिक २० गते बिहिवार
भारतबाट हात्तीको बथान आउन थालेपछि त्रास
२०७८ जेष्ठ २८ गते शुक्रवार
काश्मिरका सबै रेल स्टेशनमा निःशुल्क वाइफाई सेवा
२०७८ असार ६ गते आइतवार