१२ असोज, चितवन । चितवनस्थित भरतपुर अस्पतालमा एक कोरोना संक्रमित पुरुषको मृत्यु भएको छ ।
मृत्यु हुनेमा चितवनको भरतपुर महानगरपालिका-७ कृष्णपुरका ५५ वर्षीय पुरुष छन् । अस्पतालका सूचना अधिकारी लिलाधर पौडेलले मृगौला फेल भइ डायलायसिस गरिरहेका उनीमा असोज ४ गते कोरोना पुष्टि भएको थियो ।
खोकी र स्वासप्रवासमा समस्या भइ उनी भरतपुर अस्पतालको आइसोलेसन वार्डमा असोज ७ गते भर्ना भएका थिए । स्वास्थ्य अवस्था थप जटील हुँदै गएपछि असोज ८ गते कोभिड आइसियूमा राखी उपचार गरिएको अस्पतालले जनाएको छ ।
प्रतिक्रिया दिनुहोस