'
१५ जेठ, सुर्खेत । कोरोनाभाइरस रोकथामका लागि सुर्खेतमा एक महिनादेखि जारी निषेधाज्ञा पुनः १० दिन थप गरिएको छ ।
जिल्ला कोभिड व्यवस्थापन समितिको सुझावका आधारमा प्रमुख जिल्ला अधिकारी छविलाल रिजालले यही जेठ २५ गते राति १२ बजेसम्म निषेधाज्ञालाई निरन्तरता दिएका हुन् ।
जिल्लामा संक्रमणको दरमा केही कमी देखिए पनि संक्रमणको जालो तोड्न केही समय लाग्ने देखिएकाले निषेधाज्ञाको समय बढाउनुपरेको प्रशासनले जनाएको छ । यसअघि तोकिएको निषेधाज्ञाको अवधि आज राति सकिँदै थियो ।
प्रजिअ रिजालले निषेधाज्ञाले मानिसको आवागमन, भिडभाड तथा चहलपहल नियन्त्रण भएपछि संक्रमणको ‘चेन बे्रक’ हुन मद्दत पुग्ने विश्वास व्यक्त गरे । जनस्वास्थ्य सेवा कार्यालयका अनुसार सुर्खेतमा हालसम्म १० हजार बढीमा कोभिड संक्रमण देखिएको छ । यहाँ शुक्रबारसम्म दुई हजार ४०१ कोरोनाका सक्रिय संक्रमित छन् ।
जिल्ला कोभिड व्यवस्थापन समितिको बैठकले कर्णाली प्रदेश सरकारबाट कोभिड–१९ को संक्रमणका कारण मृत्यु हुने मृतकका परिवारलाई उपलब्ध गराउने भनी निर्णय भएको एक लाख रुपैयाँ उपलब्ध गराउन अनुरोध गरेको छ ।
त्यस्तै, बैठकले होम आइसोलेसनमा बसेका संक्रमितलाई आवश्यक मनोसामाजिक परामर्शका गतिविधि सञ्चालन गर्न, पीसीआर नतिजा समयमै उपलब्ध गराउन सम्बन्धित स्थानीय तह र जिल्ला जनस्वास्थ्य कार्यालयलाई निर्देशन दिएको छ ।
एनएमबि न्यूज युटयुबमा पनि उपलब्ध छ । तपाई यहाँ क्लिक गरेर सब्सक्राइब गर्न सक्नुहुनेछ । साथै फेसबुक र ट्वीटरमार्फतपनि हामीसँग जोडिन सक्नुहुनेछ ।
गाउँमाथिको ठूलो ढुङ्गा खस्ने त्रासमा २० घरधुरी
२०७८ जेष्ठ १७ गते सोमवार
मकवानपुरको मानव सेवा आश्रममा बस्दै आएका दुई जनाको मृत्यु
२०८० पुष १२ गते बिहिवार
बार्सा छाडेर सुवारेज एथ्लेटिकोमा
२०७७ असोज ७ गते बुधवार
दलितको न्याय र समानताको अधिकार सुनिश्चित गर्न आयोगको आग्रह
२०७८ जेष्ठ २१ गते शुक्रवार