एनएमबि न्युज डेक्स,काठमाण्डौ ।
भाद्र–१९ मंगलबार ।
नेपाली राष्ट्रिय भलिबल टिमका खेलाडीले अबदेखि मासिकरूपमा पारिश्रमिक पाउने भएका छन् ।
नेपाल भलिबल संघले मंगलबार पत्रकार सम्मेलनमार्फत नेपाली राष्ट्रिय महिला र पुरुष दुवै टिमले अबदेखि मासिक पारिश्रमिक पाउने जनाएको हो । यसअघि नेपालको भलिबल टिमले कुनै प्रतियोगिता खेलेबापत भत्ता पाउने गरे पनि टिमलाई मासिक तलबको व्यवस्था भने थिएन । अबदेखि भलिबलका महिला–पुरुष दुबै टिमले मासिक पाँच हजार रुपैयाँ पारिश्रमिक पाउने छन् ।
भलिबल संघलाई अमेरिकामा रहेको नेपाली समुदायले खेलाडीहरूलाई मासिक पारिश्रमिक उपलब्ध गराउनका लागि आर्थिक उपलब्ध गराएका हुन् । खेलाडीहरूको पारिश्रमिकका लागि अमेरिकामा रहेका २४ नेपालीहरूको सहयोग गरेको संघले जनाएको छ ।
मंगलबारको कार्यक्रममा संघले खेलाडीहरूलाई तीन महिनाको पारिश्रमिक वितरणसमेत गरेको छ । संघले सेप्टेम्बर, अक्टोबर र नोभेम्बर महिनाको पारिश्रमिक उपलब्ध गराएको हो । संघका अध्यक्ष जितेन्द्रबहादुर चन्दले अबदेखि विदेशमा रहेका नेपाली समूदायबाट सहयोग नआए पनि भलिबल संघ आफैँले पारिश्रमिक दिने व्यवस्थालाई निरन्तरता दिने बताए ।
एनएमबि न्यूज युटयुबमा पनि उपलब्ध छ । तपाई यहाँ क्लिक गरेर सब्सक्राइब गर्न सक्नुहुनेछ । साथै फेसबुक र ट्वीटरमार्फतपनि हामीसँग जोडिन सक्नुहुनेछ ।
एकैदिन तीन लाख २९ हजारले लगाए कोरोना विरुद्धको खोप
२०७८ पुष ९ गते शुक्रवार
४२ वर्षपछि फेवातालको बाँध मर्मत
२०७७ माघ २५ गते आइतवार
प्रधानमन्त्रीमाथि लगाएको आरोप नै पार्टी विभाजन कारक
२०७७ पुष २५ गते शनिवार
खाडी मुलुकबाट पनि नियमित अन्तर्राष्ट्रिय उडान हुने
२०७७ असोज ६ गते मङ्गलवार