राष्ट्रिय झण्डा जलाएको आरोपमा पक्राउ परेका ८ जना रिहा, १ जना जेल चलान

गायक तामाङले ‘मंगोल हप अफिसियल’ नाम च्यानलले युट्युबमा ‘देशद्रोही’ बोलको भिडियो अपलोड गरेका थिए । त्यही भिडियोमा नेपालको राष्ट्रिय झन्डा जलाएको दृष्य राखिएको छ । भिडियो अपलोड भएपछि सामाजिक सञ्जालमा चर्को विरोध भएपछि प्रहरीले उनीहरुलाई पक्राउ गरेको थियो ।

कानुनअनुसार राष्ट्रिय झन्डा जलाउने तथा गलत प्रयोग गर्नेलाई तीन वर्ष कैद र ३० हजार रुपैयाँ जरीवाना वा दुवै  कारवाही गर्ने व्यवस्था रहेको छ । गीतमा जातीय सद्भाव बिथोल्ने शब्दहरु पनि प्रयोग गरिएको छ ।

भिडियो मकवानपुर सल्लेनी वडा ३ स्थित विष्णु आधारभूत विद्यालय नजिकै खिचिएको दृष्य देखिन्छ ।