२१ असोज, धनगढी । जिल्ला प्रहरी कार्यालय कैलालीका प्रहरी प्रमुख (एसपी) सहित २२ जना प्रहरीमा कोरोना भाइरसको संक्रमण पुष्टि भएको छ ।
बुधबार सेती प्रादेशिक अस्पतालमा भएको परीक्षणमा जिल्ला प्रहरी प्रमुख (एसपी) अनुपम शमसेर जबरा राणासहित २२ जनामा संक्रमण पुष्टि भएको हो । पुष्टि भएका २२ जनै जिल्ला प्रहरी कार्यालय कैलालीमा कार्यरत् प्रहरी कर्मचारी हुन् ।
योसँगै सुदूरपश्चिममा बुधबारसम्म २ सय २८ जना प्रहरी कर्मचारीमा संक्रमण पुष्टि भएको प्रदेश प्रहरी कार्यालय दिपायलका प्रवक्ता तथा वरिष्ठ प्रहरी उपरीक्षक मुकेश सिंहले जानकारी दिए ।
प्रतिक्रिया दिनुहोस